АсосӣБойгонӣ

Навгонӣ

Дориюшу Парвина шоҳмотбозони беҳтарин муайян шуданд

19 Октябр 2017

Имрӯз тибқи нақшаи якчояи бахши кор бо ҷавонон ва варзиш ва шуъбаи маорифи шаҳри Хуҷанд дар толори муассисаи таҳсилоти миёнаи умумӣ №5-и шаҳр мусобиқаи варзишӣ оид ба шоҳмот байни хонандагони муассисаҳои таҳсилоти миёнаи умумӣ, литсей ва гимназияҳои маркази вилояти Суғд бахшида ба соли эълон шудани 2017 – Соли ҷавонон ва 25-солагии Иҷлосияи ХVI Шӯрои Олии Ҷумҳурии Тоҷикистон баргузор гардид.
Дар мусобиқаи мазкур аз 35 муассисаҳои таҳсилоти миёнаи умумӣ, литсей ва гимназияҳо 22 нафар духтарон ва 34 нафар писарон иштирок намуданд. Дар натиҷа байни писарон ҷои аввал насиби Дориюш Усмонов хонандаи гимназияи ба номи Гёте, ҷои дуюм Соҳил Мансуров хонандаи МТМУ №16 ва ҷои сеюм Эзос Абдувоҳидов талабаи МТМУ № 26 шуд.

Муфассал... Шарҳ додан

«Мактаби сарварӣ» занони роҳбарро омода менамояд

19 Октябр 2017

Дар толори хурди Мақомоти иҷроияи ҳокимияти давлатии шаҳри Хуҷанд машғулияти нахустини курси семоҳаи “Мактаби сарварӣ” баргузор гардид.
Ба омӯзандагони курси мазкур сармутахассиси шӯъбаи ташкилии Кумитаи кор бо занон ва оилаи назди Ҳукумати Ҷумҳурии Тоҷикистон Мадина Бобоиён, сардори Раёсати кор бо занон ва оилаи мақомоти иҷроияи ҳокимияти давлатии вилояти Суғд Нигора Ғаффорзода, Шаҳрванди фахрии шаҳри Хуҷанд Биҳоҷал Раҳимова ва фаъолзани аъзои шӯрои шӯъбаи кор бо занон ва оила Ҳамроҳ Атаева ва Мукаррама Негматова дар мавзуъҳои мухталиф, аз ҷумла сифатҳои зан-роҳбар, омода шудан ба мақоми роҳбарӣ, таҳаммулпазирӣ, қонунгузории Ҷумҳурии Тоҷикистон дар бораи мақоми зан, рисолати хизматчии давлатӣ ва ғайраҳо маърӯза намуданд.

Муфассал... Шарҳ додан

«Гулбаҳор» Ҷоми баскетболро гирифт

19 Октябр 2017

Тибқи нақшаи чорабиниҳои бахши кор бо ҷавонон ва варзиши шаҳри Хуҷанд ва бо мақсади тарғибу ташвиқи намуди варзиши баскетбол байни омма, мустаҳкам намудани алоқаи дӯстӣ байни ҷавонон, баланд бардоштани маҳорати варзишӣ, муайян ва интихоби дастаи варзишгарони беҳтарин аз санаҳои 10 то 17 октябри соли 2017 дар толори варзишии Донишкадаи политехникии Донишгоҳи техники Тоҷикистон ба номи академик Муҳаммад Осимӣ мусобиқаи кушоди шаҳри Хуҷанд оид ба баскетбол байни маҳаллаҳо бахшида ба 25-солагии Иҷлосияи ХVI – уми Шӯрои Олии Ҷумҳурии Тоҷикистон ва соли 2017 «Соли ҷавонон» баргузор гардид.
Дар мусобиқаи мазкур 8 даста иштирок намуда ва дар натиҷа ҷои якум насиби дастаи «Гулбаҳор», ҷои дуюм дастаи «Чорчароғ» ва ҷои сеюм дастаи «Истаравшан» гардиданд.

Муфассал... Шарҳ додан

Мақоми сеюми Хуҷанд дар озмуни ҷумҳуриявии «Офарин»

(1 овоз, миёна 1.00 аз 5)

19 Октябр 2017

Дар истироҳатгоҳи беруназшаҳрии «Шоҳин»-и шаҳри Гулистон даври ниҳоии мусобиқаи ҷумҳуриявии «Офарин» байни дастаҳои муассисаҳои таълимии ҷумҳурӣ баргузор гардид. Аз шаҳри Хуҷанд дар ин мусобиқа ғолиби давраи шаҳрии дастаи толибилмони МТМУ№ 22 иштирок карданд.
Ҳамин тавр зимни натиҷагирии озмуни ҷумҳуриявӣ толибилмони ноҳияи Мастчоҳ мақоми аввал, шаҳри Регар ҷойи дуюм ва дастаи шаҳри Хуҷанд ҷойи сеюмро ишғол намуданд.

Муфассал... Шарҳ додан

Дастовардҳо афзун, вале самаранокиву фаъолнокии бештар мебояд

18 Октябр 2017

Субҳи имрӯз дар Маркази фарҳанг маҷлиси фаъолони шаҳри Хуҷанд доир ба натиҷаҳои рушди иқтисодиву иҷтимоии шаҳр дар нӯҳ моҳи соли 2017 бо иштироки роҳбарони сохторҳо, мақомоти ҳифзи ҳуқуқ, раисони кумитаи маҳаллаҳо, сарварони макотиби таҳсилоти ҳамагонӣ, миёнаи махсус ва олӣ ва намояндагони ВАО баргузор гардид. Ҷаласаро Раиси шаҳри Хуҷанд Маъруф Муҳаммадзода ифтитоҳ намуда, ҳозиринро бо рӯзномаи он ошно намуд.
Сипас, муовини Раиси шаҳри Хуҷанд Раъно Ҳошимзода доир ба натиҷаҳои рушди иқтисодиву иҷтимоии шаҳри Хуҷанд дар нӯҳ моҳи соли 2017 иттилоъ дода аз ҷумла афзуд, ки “Дар давоми нуҳ моҳи соли ҷорӣ, новобаста аз таъсири манфии омилҳои беруна, корхонаҳои саноатии шаҳр, мутобиқ ба шароити нави иқтисодии бозорӣ ва пайдошавии рақобати озод дар бозорҳо, дар ҷанбаҳои мухталиф фаъолият бурдаанд, ки дар натиҷа шумораи умумии корхонаҳои калону миёнаи саноатӣ ба 155 адад расид.