АсосӣБойгонӣ

Навгонӣ

Марафони велосипедронӣ ва Дави миллӣ бахшида ба рӯзи Парчами миллӣ

24 Ноябр 2017

Бо мақсади таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ бахшида ба таҷилили бошукуҳи Рӯзи Парчами давлатии Ҷумҳурии Тоҷикистон ва соли 2017 «Соли ҷавонон» дар шаҳри Хуҷанд марафони велосипедронӣ ва дави миллӣ баргузор гардид.
Дар маросими ифтитоҳи чорабинии варзишӣ муовини раиси шаҳри Хуҷанд Аюб Раҳматзода, мудири бахши кор бо ҷавонон ва варзиши шаҳр Бахтиёр Исматҷонов, намояндагони Раёсати кор бо ҷавонон ва варзиши вилоят иштирок намуда ҳозиринро бо Рӯзи парчами давлатии Ҷумҳурии Тоҷикистон аз номи Раиси шаҳри Хуҷанд табрик намуданд.
Масофаи муайяншудаи мусобиқа 5.3 км –ро ташкил дода аз назди муҷассамаи Истиқлол то маҳалла 3-юми шаҳр муайян гардида буд.

Муфассал... Шарҳ додан

Иди Парчам дар маҳаллаҳои шаҳр

24 Ноябр 2017

Дар остонаи ҷашни Рӯзи парчами миллӣ кумитаи иҷроияи ҲХДТ дар шаҳри Хуҷанд ба иқдоми наҷибе даст зад. Ба хотири боз ҳам хубтару самимитар таҷлил намудани ин санаи фархунда субҳи имрӯз дар маҳаллаи Масҷиди савр бо иштироки беш аз 400 нафар сокинони маҳалла чорабинии идона ташкил намуд. Саҳни чойхонаи маҳалла идона оро дода шуда, дар як гӯшаи он бошандагони маҳалла дар озмунии зеҳнии шоҳмот, ки бо иқдоми кумиҷроияи шаҳрӣ рӯи кор омад, маҳорат ва дониши худро санҷиданд. Онсӯтар гурӯҳе аз фаъолзанони маҳалла бо дастурхони идона чорабиниро оро доданд. Занони ҳунарманди маҳалла маҳсули дастранҷи аз матои атласу адрасдӯхтаи худро ба маъраз гузошта буданд.
Меҳмонони чорабинии идона Сарфароз Фаттоҳзода, раиси Кумитаи иҷроияи ҲХДТ дар вилояти Суғд, Ҷамшед Ҷӯразода, узви Маҷлиси миллии Маҷлиси Олии Ҷумҳурии Тоҷикистон, ректори ДДХ ба номи академик Б.Ғафуров ва раиси кумиҷроияи шаҳрии ҲХДТ Наим Маликисломӣ аз намунаи дастранҷи аҳли маҳалла ошноӣ пайдо карда, ба ҳунари дӯзандагиву пазандагии сокинон баҳои баланд доданд.

Муфассал... Шарҳ додан

Паёми муборакбодии Раиси шаҳри Хуҷанд Маъруф Муҳаммадзода ба муносибати Рӯзи Парчами миллии Ҷумҳурии Тоҷикистон

23 Ноябр 2017

Ҳамшаҳриёни азиз!
Бо камоли эҳтиром ва самимияти афзун ҳамаи шумоёнро бо санаи барои ҳар яки мо азизу муқаддас-Рӯзи Парчами давлатии Ҷумҳурии Тоҷикистон аз номи Мақомоти иҷроияи ҳокимияти давлатии шаҳри Хуҷанд табрику муборакбод намуда, бароятон саломатӣ, сарбаландӣ ва рӯзгори пурсаодатро орзу менамоям.
Парчами давлатӣ нишони ифтихор ва сарбаландии миллат аст. Ҷумҳурии Тоҷикистон чун давлати соҳибистиқлол дорои Нишон, Суруди миллӣ, Парчам, Конститутсия, забони давлатӣ ва пойтахти худ – шаҳри ҳамешасабзу ҷавон – Душанбе аст, ки гиромидошту эҳтироми он қарзи ҳар як сокини ватандори кишвар аст.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо фармони худ аз 20-уми ноябри соли 2009 рӯзи 24-уми ноябрро Рӯзи Парчами давлатии Ҷумҳурии Тоҷикистон эълон доштанд.

Муфассал... Шарҳ додан

Собиршо Ҳасанов: «Кабирӣ шаҳрвандони Тоҷикистонро фирефта карда, барои ҷангидан ба Сурия мефиристад»

24 Ноябр 2017

ДУШАНБЕ, 20.11.2017 /АМИТ «Ховар»/. Ҳанӯз моҳи июли соли ҷорӣ сокини шаҳри Душанбе Ҷомӣ Амиршоев ба АМИТ «Ховар» оид ба рафторҳои ғайриқонунӣ, қаллобӣ, таҳдид ва муносибати ноҷавонмардонаи аъзои ташкилоти террористӣ-экстремистии ҲНИТ ва cозмони ҷиноятии «Гурӯҳи-24» нисбат ба шаҳрвандони Тоҷикистон дар кишварҳои аврупоӣ нақл карда, чеҳраи аслии ин «ватандӯстон»-и қалбакиро фош карда буд (http://khovar.tj/2017/07/om-amirshoev-dar-hori-a-baroi-az-darhosti-pano-andag-dast-kashidanam-na-zati-o-ta-did-ba-onam-kardand/). Дирӯз ба АМИТ «Ховар» Собиршо Ҳасанов, сокини ноҳияи Дарвоз муроҷиат карда, дархост намуд, ки бо ӯ суҳбат анҷом диҳем. Инак, мусоҳиба бо Собиршо Ҳасанов пешкаши хонандагони сомона мегардад.

Муфассал... Шарҳ додан

Таъиноти кадрӣ

23 Ноябр 2017

Дирӯз Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кадрҳоеро, ки ба вазифаҳои масъул дар дастгоҳи марказии Вазорати корҳои хориҷӣ ва роҳбарии ҳайатҳои намояндагии Ҷумҳурии Тоҷикистон дар як қатор давлатҳои хориҷӣ ва созмону ташкилоти байналмиллалӣ таъин гардиданд, ба ҳузур пазируфтанд.
Бо Қарори Ҳукумати Ҷумҳурии Тоҷикистон Насриддинов Исматулло Ҳикматуллоевич муовини вазири корҳои хориҷии Ҷумҳурии Тоҷикистон таъин гардид. Ҳамчунин, дар мувофиқа бо Президенти Ҷумҳурии Тоҷикистон Консулҳои генералӣ дар шаҳрҳои Москва ва Уфаи Федератсияи Россия, Алмаатои Ҷумҳурии Қазоқистон ва муовини Сардори Департаменти Кумитаи иҷроияи ИДМ (дар шаҳри Мински Ҷумҳурии Беларус) аз ҳисоби мутахассисони ҷавони соҳибтаҷриба ва донандагони зиёда аз ду забони хориҷӣ таъин гардиданд.

Муфассал... Шарҳ додан