Табрики Раиси шаҳр бахшида ба Рӯзи кормандони сӯхторнишонӣ

29 Июль 2013

Мақомоти иҷроияи ҳокимияти давлатии шаҳри Хуҷанд аҳли ҷомеаи қисмҳои оташнишониро бо иди касбиашон табрику муборакбод намуда, барояшон дар иҷрои вазифаи басо мушкилу масъулиятнок ва дар айни замон рисолати пурифтихор барору комёбиҳо орзу менамоям.

Айни замон дар шаҳри Хуҷанд 2 қисми оташнишонӣ Қисми мустақили 23-юм ва Қисми тобеи 24-уми ҳарбикунонидашудаи Хадамоти давлатии оташнишонӣ фаъолият мебаранд, ки ҳайати шахсӣ 69 нафарро ташкил медиҳад. Дар қисмҳо 10 нақлиёти оташнишонӣ ва нақлиёти норбондор мавҷуд мебошад, ки дар ҳолати омодабош барои хомӯш кардани оташ, наҷот додани одамон, моликияти шахсӣ ва давлатӣ тайёр аст. 4 адади нақлиёт бо дастгирии бевоситаи Мақомоти иҷроияи Ҳокимияти давлатии вилояти Суғд дастрас гардида, ба ҳисоби қисмҳои оташнишонии шаҳри Хуҷанд супорида шудааст.

Китобхона - маркази таҷрибандӯзӣ

27 Июль 2013

Бо фармони ректори ДДХ ба номи академик Б.Fафуров, дотсент Fафурҷон Усмонов донишҷӯёни соли якуми факултети забонҳои шарқ чун анъана соли ҷорӣ низ аз санаи 8-ум то 20-уми июл дар шӯъбаи дастхатҳо ва нашрияҳои нодири Китобхонаи вилоятии оммавии ба номи Тошхоҷа Асирӣ  ба таҷрибаомӯзӣ фаро гирифта шуданд.

Донишҷӯён дар панҷ зергурӯҳ таҳти назорати омӯзгорон Д.Рашидова, Н.Оқилова, А.Fафуров бо роҳбарии устод Р.Асроров аз рӯи нақша нахуст бо шӯъбаҳои китобхона шинос шуда, дар шӯъбаи дастхатҳо ва нашрияҳои нодир аз маълумоти сардори шӯъба Д.Гадойбоева ва китобдори ботаҷриба М.Ҳамробоева дар бораи таърихи шӯъба ва намунаҳои хат, дастхатҳо ва китобҳои чопи сангӣ баҳравар гардиданд.