АсосӣАрхив

Навгонӣ

Таҷлил: ҚАДРШИНОСИИ САНОАТЧИЁНИ ДИЁР

(1 голос, среднее 4.00 из 5)

09 Июнь 2013

Недоступен ни однин перевод.

Дар асоси қарори Ҳукумати ҷумҳурӣ ва Қонуни Ҷумҳурии Тоҷикистон «Дар бораи рӯзҳои ид» ҳар сол якшанбеи дуюми моҳи июн чун Рӯзи кормандони саноати сабук таҷлил карда мешавад.

Бо дарназардошти он, ки саҳми соҳаи саноат, минҷумла, саноати сабук ва кормандони он дар ғанӣ гардонидани буҷети давлатӣ бузург арзёбӣ мегардад, давлату ҳукумати кишвар ва мақомоти маҳаллии ҳокимияти давлатӣ баҳри рушду такомули соҳа ва дастгириву ғамхорӣ нисбат ба заҳматкашон таваҷҷӯҳи махсус зоҳир менамоянд.

Ба ифтихори Рӯзи кормандони саноати сабук дар толори маҷлисии Федератсияи иттифоқҳои касабаи вилояти Суғд бо иштироки даҳҳо нафар намояндагони корхонаҳои хурд ва азими саноатӣ ҷамъомади идона доир гардид.

Читать полностью

Оғози мумфаршкунии кӯчаҳои шаҳри Хуҷанд

08 Июнь 2013

Недоступен ни однин перевод.

Имрӯз Раиси вилояти Суғд, мӯҳтарам Қоҳир Расулзода ба корҳои мумфаршкунии қариб 10 километр роҳи дохилии шаҳри Хуҷанд, ки аз микроноҳияи 3 то 19 ва сипас микроноҳияи 28-умро фаро мегирад, ҳусни оғоз бахшид.

Раиси вилоят корҳои мумфаршкуниро рӯйдоди наҷибе барои ободӣ ва беҳтар шудани шароити зисти сокинон арзёбӣ кард.

Қоҳир Расулзода ҳамзамон, изҳор дошт, ки ”бунёди роҳҳои мошингарди мутобиқ ба талаботи ҷаҳонӣ яке аз ҳадафҳои стратегии сиёсати иқтисодии давлат дар ояндаи наздик ба шумор меравад. Зеро ин иқдом дар шароити инкишофи равобити иқтисодии минтақавӣ ниҳоят муҳим арзёбӣ мегардад.”

Читать полностью

Таҷлил: ТАНИНИ ЗАНГИ КАМОЛОТ

07 Июнь 2013

Недоступен ни однин перевод.

Дар тамоми мактабҳои миёнаи Тоҷикистони соҳибистиқлол субҳи рӯзи ҷумъа, санаи 7-уми июн занги охир дар соли хониши 2012-2013 садо дод. Он барои хатмкунандагон занги охирини давраи мактабхонӣ, вале занги нахустин дар ҳаёти мустақилона маҳсуб шуд.

Ба ифтихори «Занги камолот» дар кулли муассисаҳои таълимии шаҳри Хуҷанд низ чорабиниҳои маърифативу фарҳангӣ доир гардиданд.

Ин навбат Раиси шаҳри Хуҷанд Раҷаббой Каримов бо ҳамроҳии муовини аввали вазири маорифи Ҷумҳурии Тоҷикистон Фарҳод Раҳимов, сардори Раёсати маорифи вилояти Суғд Саидмухтор Ҷалолов ба табрики устодону хонандагони Мактаби таҳсилоти миёнаи умумии рақами 5-уми шаҳр ба номи 20-солагии Тоҷикистон омаданд. Дар саҳни мактаб, ки садҳо нафар омӯзгорону шогирдон гирд омада буданд, чорабинии хотирмон баргузор гардид.

Читать полностью

Табрикоти Раиси шаҳри Хуҷанд бахшида ба занги камолот

(2 голоса, среднее 3.50 из 5)

06 Июнь 2013

Недоступен ни однин перевод.

Омӯзгорон ва хонандагони арҷманд!

Дар кишвари хуршедию соҳибистиылоли мо – Тоҷикистони гулафшон як соли хониши дигар сипарӣ шуда, дар мактабҳои таҳсилоти миёнаи умумии ҷумҳурӣ «Занги камолот» садо медиҳад. Ба ин муносибат кулли омӯзгорону хонандагон ва махсусан, хатмкунандагони муассисаҳои таълимии шаҳрро табрику таҳният гуфта, барояшон саломатии комил, рӯзгори фараҳбахш, файзу иыболи зиндагӣ, роҳи сафед ва барору комёбиҳоро таманно менамоям.

Читать полностью

Пайғом: “Истамбул” дар хидмати мардум

05 Июнь 2013

Недоступен ни однин перевод.

Бо дастуру супориши Президенти кишвар мӯҳтарам Эмомалӣ Раҳмон ва ҳидояти Раиси вилоят, мӯҳтарам Қоҳир Расулзода дар доираи 300 рӯзи ободонӣ ва бунёдкорӣ дар шаҳри Хуҷанд аз тарафи соҳибкорони бонангу номус бисёр иншооти ҷашнӣ сохта, ба истифода дода мешаванд. То ба имрӯз даҳҳо тарабхона, маркази савдо, муассисаҳои таълимиву табобатӣ ва корхонаҳои саноатӣ бунёд ёфтанд, ки ин аз соҳибистиқлолии Ватан дарак медиҳад.

Бо дастгирии соҳибкори туркӣ Рамазон Куюҷак дирӯз қаҳвахонаи туркӣ-тоҷикӣ бо номи “Истамбул” дар мавзеи хушманзара ва қадимаи тирози ҷаҳон – Панҷшанбе дари худро барои меҳмонон ва ҳамшаҳриён боз кард, ки бо ин иқдом 15 ҷойи нави кор муҳайё гардида, шароити иқтисодии 15 оила рӯ ба беҳбудӣ хоҳад ниҳод.

Читать полностью