Хурсандии кӯдакон ҳадду ҳудуд надошт

01 Июнь 2016

Субҳи имрӯз бахшида ба Рӯзи байналмилалии кӯдакон чорабинии идона дар боғчаи бачагонаи №26 шаҳри Хуҷанд чорабинии идона баргузор гардид. Бояд тазаккур дод, ки дар ин боғча баробари дигар кӯдакон гурӯҳҳои махсус низ амал мекунад. Дар ин муассиса 10 нафар кӯдакони узви шунавоиашон суст ва 20 нафар маъюбони модарзод тарбия мегиранд, ки гурӯҳи дуюмиро Ташкилоти ҷамъиятии «Манбаъи меҳр» ба зери парастории худ гирифта, ин тоифаро аз рӯи барномаи махсус тарбияву табобат мекунад.
Ба самъи кӯдакону мураббиягон номаи табрикотии Раиси шаҳр Шариф Шарифзода ба муносибатит Рӯзи байналмилалии ҳифзи кӯдаконро мудири бахши Агентии давлатии ҳифзи иҷтимоии аҳолии МИҲД шаҳр Камолҷон Комилов расонида изҳор дошт, ки ғамхорӣ ва дастгирии кӯдакон аз сиёсати хирадмандонаи Асосгузори сулҳу Ваҳдати миллӣ - Пешвои миллат, Президенти Ҷумҳурии Точикистон, мӯҳтарам Эмомалӣ Раҳмон бармеояд, ки ин сиёсати дар қаламрави вилояту шаҳр собитқадамон татбиқ мешавад.

Бинои истиқоматӣ бо маркази савдо ба истифода дода шуд.

01 Июнь 2016

Мусобиқаи варзишии наврасон бахшида ба Рӯзи кӯдакон.
Субҳи имрӯз иҷрокунандаи вазифаи Раиси шаҳри Хуҷанд Шарифзода Шариф Файз дар маросими кушодашавии  яке аз иншоотҳои ҷашнӣ ба истиқболи 25 солагии Истиқлолияти давлатии Ҷумҳурии Тоҷикистон,- Маркази савдои «Хуршед плюс» ва маросими хатнатӯйии  10 нафар тифлон  аз оилаҳои эҳтиёҷманд ширкат намуд.
Маркази савдои мазкур давоми як сол ба маблағи бештар аз якуним миллион сомонӣ бунёд гардида, корҳои сохтмониро ширкати сохтмонии «Фламинго» ба анҷом расондааст.
Бинои   маркази савдои навбунёд аз 5 ошёна иборат буда, даҳ ҳуҷраи истиқоматиро дар бар мегирад. Ар баробари ин 16 нафар сокинони маҳалли атрофии ин марказ  бо ҷойи кори доимӣ таъмин гаштанд.