АсосӣАрхив

Навгонӣ

Чорабинии идона дар майдони “Ситораҳои Хуҷанд”

03 Январь 2017

Недоступен ни однин перевод.

Бо ташаббуси Мақомоти иҷроияи ҳокимиятии давлатии шаҳри Хуҷанд бо мақсади дар сатҳи баланд таҷлил намудани Соли нави мелодӣ ва ташкили истироҳату фароғат барои сокинону меҳмонони маркази вилоят шурӯъ аз 12-уми декабр дар майдони “Ситораҳои Хуҷанд” арчаи солинавӣ ороста, барномаҳои фарҳангии идона пешкаши сокинон карда шуд. Дар ин чорабинӣ тибқи нақша аз санаи 12-ум то 21-уми декабр мактабҳои миёнаи шаҳр ва аз санаи 22-ум то 30-уми декабр муассисаҳои олӣ ва коллеҷҳои маркази вилоят бо барномаҳои рангини худ баромад намуданд. Ҳамчунин аз санаи 22-ум то 30-уми декабр ҳамарӯза аз соати 17-00 то соати 19-00 муассисаҳои фарҳангии шаҳру навоҳии вилоят бо барномаи солинавӣ табъи сокинони шаҳри Хуҷанд ва меҳмононро шод гардониданд.
Сокинони маркази вилоят бо истифода аз имкони мавҷуда ҳамарӯза ба тамошои намоишномаҳо меомаданд.

Читать полностью

Барқияҳои табрикотии солинавӣ ба унвони Раиси шаҳр.

31 Декабрь 2016

Недоступен ни однин перевод.

Ба муносибати Соли нави 2017 ба унвони Раиси шаҳри Хуҷанд Шариф Шарифзода аз номи раисони бародаршаҳрҳои Могилёви Ҷумҳурии Белорусия В.М.Цумарев ва Урумчии Ҷумҳурии халқии Чин Илҳом Собир барқияҳои табрикотӣ расидаанд. Мири шаҳри Могилёв В.М.Цумарёв зимни муборакбодии хуҷандиён изҳори умедворӣ кардааст, ки «соли 2017 барои рушди муносибатҳои ҳамкорӣ роҳи васеъ кушода, он пур аз воқеаву рӯйдодҳои фаромӯшношуданӣ хоҳад буд. Бигзор дар Соли нав барору комёбӣ ҳамроҳи мо бошад ва он ба рушду нумӯъ ва гул-гулшукуфии шаҳру кишварамон мусоидат намояд».
Ин гуна барқияҳои табрикотии солинавӣ ҳамзамон аз номи расиони кулли шаҳру навоҳии ҷумҳурӣ, вилоят, ташкилоту идораҳои ҷумҳурӣ, вилояту сохторҳо бахшида ба фарорасии Соли нави милод-2017 расиданд.

Читать полностью

Аёдат дар арафаи Соли нав

(2 голоса, среднее 4.50 из 5)

30 Декабрь 2016

Недоступен ни однин перевод.

Дар арафаи Соли нави милод тибқи дастуру ҳидоятҳои созандаи Асосгузори Сулҳу Ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон аз ҷониби роҳбарияти МИҲД шаҳр ва масъулони сохторҳо аёдати шахсони барӯманд, оилаҳои камбизоат ва мӯҳтоҷон ба ҷо оварда шуд.
Рӯзи гузашта баъди зӯҳд Раиси шаҳри Хуҷанд Шарифзода Шариф Файз ба аёдати 10 нафар шахсони мӯътабари шаҳр, нафароне, ки дар рушду нумӯъи соҳаҳои гуногуни хоҷагии халқи шаҳр саҳми назаррас доранд, ба монанди Санавбар Исломова, Муҳаммадҷон Комилов, Мансур Наҷмиддинов, Очил Файзуллоев, Башорат Махсумова, наврасони маъюб Аъзам ва Рухшона Абдурашидовҳо ва дигарон рафта, эшонро бо фарорасии Соли нав табрик гуфт ва барои дастурхони солинавии онҳо маводҳои ғиззоӣ тақдим кард.

Читать полностью

Иҷлосияи ҳаштуми маҷлиси вакилони халқи шаҳри Хуҷанд баргузор гардид

30 Декабрь 2016

Недоступен ни однин перевод.

Иҷлосияи ҳаштуми Маҷлиси вакилони халқи шаҳри Хуҷанд (даъвати панҷум)– ро Раиси Маҷлиси вакилони халқи шаҳр Шариф Шарифзода оғоз бахшид ва дар толор Суруди миллӣ садо дод. Сипас Раиси иҷлосия маълум сохт, ки дар иҷлосия имрӯза ғайр аз вакилони Маҷлиси шаҳрӣ роҳбарони воҳидҳои сохтории Мақомоти иҷроияи ҳокимияти давлатии шаҳр, мақомотҳои ҳифзи ҳуқуқ, ташкилоту муассисаҳои шаҳрӣ, мактабҳои таҳсилоти миёнаи умумӣ ва махсус, раисони Кумитаи маҳаллаҳо, сохторҳои корхонаи воҳиди давлати комуналии “Сарраёсати ободонӣ ва хоҷагии манзилию комуналӣ” – и шаҳр, намояндагони васоити ахбори умум даъват шудаанд.

Читать полностью

Бонуи саодатманд

(1 голос, среднее 5.00 из 5)

30 Декабрь 2016

Недоступен ни однин перевод.

Дар Маркази фарҳанги шаҳри Хуҷанд таҷлили ҷашни 70-солагии инсони меҳнатқарин, бонуи ҳалиму хоксор Мукаррамхон Бузурукова таҷлил гардид. Чорабиниро Раиси шаҳри Хуҷанд Шариф Шарифзода бо сухани ибтидоӣ оғоз бахшида, иброз дошт, ки Асосгузори сулҳу Ваҳдат- Пешвои миллат ҳамеша хизматҳои фарзандони фарзонаи миллатро қадр менамоянд. Яке аз чунин ин бонуҳои ба давлат хизматкарда, соҳибҷашни имрӯза Мукаррамхон Бузурукова мебошанд. Ин кас мураббии садҳо шогирдон буда, дар тарбияи инсонҳои наҷиб саҳми назаррас дорад. Шариф Шарифзода фазилатҳои неки ин бонуи арҷмандро номбар карда, ба ӯ умри боқию тани сиҳат таманно кард.
Муовини Раиси вилоят Назира Fаффорӣ дар шахсияти Мукаррамхон Бузурукова суханони самимӣ иброз дошта, табрикоти Абдураҳмон Қодириро ба самъи ҳозирин расонид. Сипас филми мустанад доир ба ҳаёт ва фаъолияти ин накӯном намоиш дода шуд.