МУЛОҚОТИ ПРОКУРОРИ ВИЛОЯТ БО ФАЪОЛОНИ ШАҲРИ ХУҶАНД

роҳбарони мақомоти ҳифзи ҳуқуқ, сохторҳои низомӣ, мақомоти иҷроияи ҳокимияти давлатии шаҳр, масъулини соҳаи маориф, тандурустӣ, барқ, раисони маҳаллаҳо, инчунин роҳбарони як қатор корхона ва ташкилоту муассисаҳо ва дигарон оид ба волоияти қонуният ва тартиботи ҳуқуқӣ, ҳимояи ҳуқуқу озодиҳои инсон ва шаҳрванд, пешгирӣ ва паст намудани сатҳи ҳамагуна ҷинояткорӣ, бахусус ҷинояткории ноболиғон, терроризму экстремизм, маводи мухаддир, риояи қонунгузории замин, ҳодисаҳои номатлуби худкушӣ, танзими ҷашну маросим, масъулият барои таълиму тарбияи кӯдак, кам намудани қарзи истифодаи қувваи барқ, оби полезиву нӯшокӣ ва коҳиш додани бақияи қарзи андоз доир гардид.

Давлатзода Ҳусейн Ҳамид зимни суханронии худ, таъкид намуд, ки ҳар як фарди бошуури ҷомеа вазифадор аст, ки баҳри амалигардонии волоияти қонун, дар ҳифз ва таҳкими ваҳдати миллӣ, арзишҳои миллӣ ва истиқлолияти давлатӣ бо риояи бечунучарои талаботи қонунҳои амалкунанда саҳми арзандаи худро гузорад.

Прокурори вилоят натиҷаҳои фаъолияти мақомоти ҳифзи ҳуқуқ ва сатҳи ҷинояткориро дар семоҳаи аввали соли равон мавриди баррасӣ қарор дод.

Сипас гузориши сардори ШВКДҶТ дар шаҳри Хуҷанд, масъулини нозироти андоз, кумитаи идораи замин, шабакаҳои барқ, бахши меъморию шаҳрсозӣ, бахши дин ва танзими расму оид, ҷавонон ва варзиш, занон ва оила ва дигар ташкилоту муассисаҳо шунида шуд.

Таваҷҷуҳи роҳбарони мақомоти ҳифзи ҳуқуқ, сохторҳои низомӣ ва иҷроияи маҳаллии ҳокимияти давлатии шаҳр баҳри ислоҳи камбудиҳои ҷойдошта, ҷалб карда шуд.

Прокурори вилояти Суғд дар баромади хеш изҳор дошт, ки волоияти қонун, таҳкими қонуният ва тартиботи ҳуқуқӣ, пешгирӣ ва паст намудани сатҳи ҳамагуна ҷинояткорӣ пояи устувори Истиқлолияти давлатӣ буда, тарбияи насли наврас дар руҳияи ватандӯстӣ ва масъулияти шаҳрвандӣ, бахусус дар байни ҷавонон, аз мавзуъҳои мубрами рӯз маҳсуб ёфта бояд, ки ҳамагон ба масъалаҳои мазкур таваҷҷуҳи ҳамешагӣ дошта бошанд.

Иштирокчиёни вохӯрӣ дар робита ба мавзуъи таъмини волоияти қонун, таҳкими қонуният ва тартиботи ҳуқуқӣ, фаъолона иштирок намуда, андешаҳои худро ҷиҳати пешгирӣ ва паст намудани сатҳи ҷинояткорӣозодона иброз доштанд.

Бояд қайд намуд, ки чорабинии мазкур бо ҳадафи баланд бардоштани маърифати ҳуқуқӣ ва сиёсии аҳолӣ ва пешгирии падидаҳои номатлуб ҷамъбаст гардид.

Ҳамчунин аз иштирокчиёни вохӯрӣ даъват ба амал оварда шуд, ки ҷиҳати дар амал татбиқ намудани талаботи Қонунҳои миллии Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон”, “Дар бораи масъулият барои таълиму тарбияи кӯдак” ва “Дар бораи тарбияи ватандӯстии шаҳрвандон” чораҳои бетаъхир андешида шавад.

Дар фарҷоми мулоқот Раиси шаҳри Хуҷанд Фирдавс Шарифзода изҳор дошт, ки дар шароити кунунӣ ҳар як фарди солими ҷомеаи шаҳрвандиро зарур аст, ки барои дар рӯҳияи ватандӯстию ватанпарварӣ ва расидан ба қадри истиқлолу озодӣ, сулҳу субот ва ваҳдати миллӣ тарбия кардани фарзандони худ, яъне наврасону ҷавонон, инчунин сазовор истиқбол гирифтани ҷашни 35 солагии Истиқлоли давлатии Ҷумҳурии Тоҷикистон ва иҷрои дастуру супоришҳои Президенти Ҷумҳурии Тоҷикистон оид ба эълон гардидани соли 2026 ҳамчун “Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ” ҳамеша саъю талош варзанд.