9851
(0 овоз, миёна 0 аз 5)
23 Май 2026
Мақомоти иҷроияи ҳокимияти давлатии шаҳри Хуҷанд ҷиҳати таъмини иҷрои Амри Президенти Ҷумҳурии Тоҷикистон аз 1 январи соли 2026, №АП – 949, ҷиҳати баргузории озмуни ҷумҳуриявии «Тоҷикистон – Ватани азизи ман», қарори Раиси вилояти Суғд аз 25 феврали соли 2026, №37 ва қарори Раиси шаҳри Хуҷанд аз 13 майи соли 2026, №282 даври шаҳрии озмуни мазкурро гузаронид.
Бо мақсади пайдо кардани истеъдодҳои нави соҳаи санъат, баланд бардоштани маҳорати касбӣ, тақвият бахшидан ба маҳорати баланди ҳунари иҷрокунандагӣ, таълифи ашъори баландғояи ватандўстона, дарёфти беҳтарин намунаҳои оҳанг ва сурудҳои тараннумгари Ватан, Истиқлолият, Тоҷикистон дар шаҳри Хуҷанд то баргузории даври шаҳрии озмун тибқи шартҳои дар Низомномаи озмун муқараргардида, корҳои дастурдиҳӣ ва муайян намудани ҳунармандону эҷодкорони дараҷаи истеъдод ва сатҳи омодагиашон рақобатпазир дар байни шахсони хоҳиши иштирок намудан дошта ба қайд гирифта шуда, ки бо пешниҳоди ташкилоту муассисаҳо муайян гардида буд, гузаронида шуд.
Маълум гардид, ки аз ҳисоби шахсони зикргардида зиёда аз 380 нафар ҷиҳати дар даври шаҳрӣ иштирок намудан ба қайд гирифта шуда, сатҳи омодагии ҳунариву эҷодии онҳо аз ҷониби мутахассисон натиҷабардорӣ гардида, аз ин шумора 253 нафар барои иштирок дар даври шаҳрӣ имконият пайдо намуданд.
Санаи 18 майи соли 2026 номинатсияи санъати тасвирӣ ва дизай дар Арт – галереяи “Сомониён” ва санаҳои 19 ва 20 майи соли 2026 номинатсияҳои сарояндагӣ, навозандагӣ ва оҳангсоз - бастакор дар толори Муассисаи давлатии Кохи фарҳанги “Суғдиён” бо иштироки 253 нафар довталаб аз шаҳри Хуҷанд бо натиҷаҳои назаррас дар сатҳи баланди ташкилию эҷодӣ гузаронида шуд.
Ҳайати комиссия дар озмун тибқи хулосаи ҳакамони озмун аз рӯи панҷ номинатсияҳо (сарояндагӣ, навозандагӣ, бастакорӣ, санъати тасвирӣ ва дизайн) ва ҳар як номинатсия иборат аз жанрҳо (академӣ, анъанавӣ, эстрадӣ, мусавварӣ, ҳайкалтарошӣ, графика ва миниатюра, кулолгарӣ, наққошӣ, коркарди бадеии чӯб, интерер, батика ва габелен), ҳамчунин синну соли аз 12 то 17 ва 18 то 35 сола ба иштирокчиён баҳогузорӣ намуданд.
Аз рӯи ҷамъбасти натиҷаҳои озмун ва номинатсияҳои зикргардида 137 нафар ғолибон муайян карда шуда, ба онҳо дар вазъияти ботантана аз ҷониби Муовини Раиси шаҳри Хуҷанд Набизода Ҷамшед, директори маркази илмӣ – методии назди Раёсати фарҳанги вилоят ва ҳайати ҳакамони озмун мукофотҳои пулӣ дар ҳаҷми барои ҷойи 1-ум 3000 сомонӣ, барои ҷойи дуюм-2100 сомонӣ ва барои ҷойи сеюм 1500 сомонӣ супорида шуданд.
Дафтари матбуоти
Раиси шаҳри Хуҷанд
Шарҳ додан
Мақомоти иҷроияи ҳокимияти давлатии шаҳри Хуҷанд ҷиҳати таъмини иҷрои Амри Президенти Ҷумҳурии Тоҷикистон аз 1 январи соли 2026, №АП – 949, ҷиҳати баргузории озмуни ҷумҳуриявии «Тоҷикистон – Ватани азизи ман», қарори Раиси вилояти Суғд аз 25 феврали соли 2026, №37 ва қарори Раиси шаҳри Хуҷанд аз 13 майи соли 2026, №282 даври шаҳрии озмуни мазкурро гузаронид.
