23 Май 2026
ИФТИХОР БО ҶАВОНОНИ ПЕШРАВУ СОЗАНДА ДОРЕМ!
Ҷавони саодатёри Ватан, шаҳрвандони арҷманд!
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар яке аз мулоқотҳо бо ҳамсолони шумо таъкид доштанд, ки «Ҷавонони Тоҷикистони соҳибистиқлол неруи созандаи Ватан буда, нақши онҳо дар тараққиёти ҳамаи соҳаҳои ҳаёти давлат ва ҷомеа бисёр арзишманд ва назаррас мебошад.
Мо бо ҷавонони кишвари худ ифтихор дорем, зеро онҳо дар рушди давлат ва ободии Ватан фаъолона саҳм мегузоранд, марзу буми сарзамини аҷдодиро ҳимоя мекунанд, ватандӯсту ватанпараст, бонангу номусанд ва ба халқу давлати Тоҷикистон содиқ мебошанд».
Бале, ҷавонони мо давомдиҳандагони кору фаъолияти насли калонсол, нерўи тавоно ва иқтидори воқеии пешрафти ҷомеа, хулоса, ояндаи давлат буда, фароҳам овардани шароити мусоид барои фаъолияти онҳо минбаъд низ ҳамчун яке аз масъалаҳои муҳимтарини сиёсати Ҳукумат боқӣ мемонад.
Дар замони соҳибистиқлолии кишвар ҳамасола дар қаламрави Тоҷикистон рӯзи 23-юми май - Рӯзи ҷавонон эълом гардидааст. Дар иртибот ба ин санаи шодибахш дар шаҳри Хуҷанд тадбирҳои зиёди идона дар доираи “Ҳафтаи ҷавонӣ” ба монанди “Хонандаи беҳтарини сол”, “Донишҷӯйи беҳтарини сол”, “Олими ҷавон ва ихтироъкори беҳтарини сол”,“Дави миллӣ” ва даҳҳои дигар андешида мешаванд ва амалӣ мегарданд. Дар ин сабқати идона беҳтаринҳо муайян ва қадр мешаванд.
Дар ин радиф аз номи Мақомоти иҷроияи ҳокимияти давлатии шаҳри Хуҷанд кулли ҷавонони саодатманди замон ва сокинони сарбаланди шаҳрро бо Рӯзи ҷавонони Ҷумҳурии Тоҷикистон табрику таҳният мегӯям, барояшон таҳсили хубу аъло, тарбияи неку шоиста, барори кору осудагии рӯзгор, парвозҳои баланди эҷодиву ихтироъкорӣ ва дар хидмат ба халқу ватани маҳбубамон муваффақиятҳои бешумор хоҳонам.
Тоҷикистони соҳибистиқлол ба сўи ояндаи босубот қадамҳои устувор мегузорад ва мусаллам аст, ки дар ин раванд таваҷҷӯҳ ба қишри ҷавони ҷомеа дар меҳвари сиёсати давлату Ҳукумати мамлакат қарор дорад. Воқеан ҳам, ҷавонони щаюру шуҷои мо ин масъулияти хешро хуб дарк мекунанд ва дар эъмори давлати ҳуқуқбунёд, дунявӣ, иҷтимоӣ ва ягона саъюу талош меварзанд.
Мақомоти иҷроияи ҳокимияти давлатии шаҳри Хуҷанд бо ҷавонони донишҷӯву ихтироъкор, ватандӯсту меҳанпарвар, соҳибкору варзишгар, мутахассису ҳунарманд ифтихор мекунад ва ташаббусҳои созандаи ононро ҳамеша ҷонибдорӣ мекунад.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон ҳамеша бар онанд, ки “Хизмат кардан ба Ватан, аслан хизмат кардан ба падару модар ва бародарону хоҳарони машщули меҳнати осоишта аст. Зеро Ватан ва миллат ду рукни муқаддасест, ки бидуни онҳо ҳеҷ фард сари баланду ифтихори инсонӣ дошта наметавонад». Воқеан, ҷавонони Хуҷандшаҳр дар қатори ҳамсолони хеш имрӯзҳо бо ҳисси баланди миллӣ ва масъулияти ватандорӣ дар сафҳои Артиши миллӣ ва Қувваҳои мусаллаҳ хидмат намуда истодаанд.
Таъсис ва баргузории Озмунҳои ҷумҳуриявии “Тоҷикистон - Ватани азизи ман!”, “Фурӯщи субҳи доноӣ китоб аст”, “Илм – фурӯщи маърифат” “Шоҳномахонӣ” ва амсоли онҳо барои рушди зеҳнии наврасону ҷавонон, санъатдӯсту зебоипараст тарбия ёфтани онон, баланд бардоштани сатҳи донишу малакаи онҳо ва кашфи истеъдодҳо равона гардидааст.
Таъсиси идрорҳои Президенти кишвар, Раиси вилоят ва Раиси шаҳр барои мактабиёну ҷавонони донишҷӯву фаъоли муассисаҳои таҳсилоти миёна ва олӣ ба ҳукми анъана даромадааст ва ҳар сол дар остонаи Рӯзи ҷавонон сазовортарин ҷавонон ба гирифтани ин гуна идрорҳо шарафёб мегарданд.
Мо бо ҷавононе, ки имрӯз дар мусобиқаҳои гуногуни варзишии сатҳи шаҳриву вилоятӣ, ҷумҳуриявиву ҷаҳонӣ иштирок намуда, сазовори ҷойҳои намоён шуда истодаанд, ифтихор мекунем ва барои дастгирии минбаъдаи онон талош меварзем.
Ҷавонони шаҳри Хуҷанд чун фарзандони асили миллат барои пешрафти иқтисодиву иҷтимоӣ заҳмат мекашанд ва бо кору пайкори хеш идомаи неки падарони шуҷоу модарони арҷманд мегарданд.
Рўзи ҷавонони Тоҷикистонро бори дигар ба кулли мардуми шаҳр, ҷавонон ва наврасон шодбод мегӯям. Бигузор шаҳру кишвари мо ҳамеша дар саргаҳи сулҳу амонӣ, пешрафту тараққиёт қарор дошта бошад ва ваҳдати ҷавонони Тоҷикистон ҷовидон пойбарҷо монад.
Рӯзи ҷавонӣ, айёми хуши зиндагонӣ муборак!
