18 Май 2026
Аз 11 то 15 май хонандагони Литсейи инноватсионии Ҷавонӣ дар шаҳри Хуҷанд - дар яке аз бузургтарин сабқати байналмиллалӣ дар риштаи робототехника — ROBOTEK GRAND TOURNAMENT 2026, ки дар шаҳри Остонаи Ҷумҳурии Қазоқистон баргузор гардид, иштирок намуданд.
Дар ин олимпидаи байналмилалӣ беш аз 400 даста аз 10 кишвари ҷаҳон иштирок доштанд.
Дастаҳои хонандагони Литсейи инноватсионии "Ҷавонӣ"-и шаҳри Хуҷанд маҳорати баланд нишон дода дар натиҷа
муввафақияти таърихӣ - Ҷоми "Robotek Grand Tournament" - ро ба даст овардаанд.
Ин олимпиадаи байналмилалӣ дар риштаи робототехника бо ташаббуси Вазорати маорифи Ҷумҳурии Қазоқистон, Маркази илмӣ - амалии ҷумҳуриявии «Дарин», маркази "Остона - Дарин" шаҳрдории шаҳри Остона ва Маркази байналмилалии робототехникаи "РОБОТЕК" ҳамасола ташкил ва баргузор карда мешавад.
Дар ҳайати дастаи хонандагони Литсейи инноватсионии "Ҷавонӣ" 20 хонанда ва 10 даста аз рӯи се категория иштирок намуданд.
Ду сол инҷониб бо даъвати расмии Маркази байналмилалии робототехника "Роботек" - и Ҷумҳурии Қазоқистон - ҳамкор ва шарики Литсейи инноватсионии "Ҷавонӣ", хонандагони ин боргоҳи таълимӣ дар ин олимпидаи бузурги сатҳи байналмилалӣ иштирок намуда, Тоҷикистонро дар арсаи байналмилалӣ бо ифтихор намояндагӣ мекунад.
Ин дастовард далели равшани сатҳи баланди омодагии хонандагон, истеъдод, заҳмат ва муҳаббати бузурги онҳо ба илм, технология ва зеҳнӣ сунъӣ мебошад.
Баҳри ба даст овардани дастовард хонандагон пайваста барои ин мусобиқа омодагӣ диданд. Дар муассиса маҳфили доимоамалкунандаи "Робототехника ва барномасозӣ" амалӣ намуда, барои иштирок дар олимпиадаҳои сатҳи байналмилалӣ беш аз 15 роботҳои пешрафтае, ки борои иштирок дар сабқатҳои байналмилалӣ зарур ҳастанд, харидорӣ гардидааст. Ҳамчунин дар пояи муассиса дар асоси қарордоди ҳамкорӣ филиали маркази байналмилалии "Роботек"-и Қазоқистон амал мекунад.
Дастоварди Литсейи инноватсионии "Ҷавонӣ" дар сатҳи байналмилалӣ дар соҳаи робототехника, муҳандисӣ ва зеҳни сунъӣ нишон дод, ки ҷавонони тоҷик метавонанд дар сатҳи ҷаҳонӣ дар ин риштаҳо сабқат намоянд ва муҳим аз ҳама пирӯзӣ ба даст оваранд.
Ин дастовардҳои арзанда самараи дастгирии ҳамаҷонибаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон дар самти рушди илмҳои дақиқ, технологияҳои рақамӣ ва зеҳни сунъӣ буда, натичаҳои он пирӯзиҳои бузурги хонандагон дар арсаи ҷаҳонӣ мебошад.
Лозим ба таъкид аст, ки ҳамчунин муассиса барои иштироки фаъолона бо лавҳаи ифтихорӣ низ қадршиносӣ гардид.
Дафтари матбуоти
Раиси шаҳри Хуҷанд
