27 Апрел 2026
Дар толори навбунёди Беморхонаи клиникавии шаҳрии №1-и шаҳри Хуҷанд бо иштироки сардори Раёсати тандурустии вилояти Суғд Фирӯз Комилов ва муовини Раиси шаҳри Хуҷанд Муяссара Қаҳҳорӣ муаррифии сардухтури ин муассисаи тиббӣ баргузор гардид.
Муовини Раиси шаҳри Хуҷанд Муяссара Қаҳҳорӣ дар ҳузури ҷомеаи меҳнатии беморхона иттилоъ дод, ки ба бинобар ба вазифаи Сардори раёсати тандурустии вилоят таъин гардидани собиқ сардухтури Беморхонаи клиникавии №1 Фирӯз Комилов, таъғироти кадрӣ ба амал омада, бо пешниҳоди Мақомоти иҷроияи ҳокимияти давлатии шаҳри Хуҷанд ва розигии Вазири тандурустӣ ва ҳифзи иҷтимоии аҳолии Ҷумҳурии Тоҷикистон, тибқи Қарори Раиси шаҳри Хуҷанд аз 27-уми апрели соли равон Эҳсон Саидов ба вазифаи сардухтури беморхонаи клиникавии шаҳрии №1 таъин гардид.
Муяссара Қаҳҳорӣ аз хизматҳои софдилона ва пурсамари Фирӯз Комилов ёдовар гашта таъкид дошт, ки мавсуф аз зумраи инсонҳои фидокор ва ғамхору меҳнатдўст буда, дар рушди соҳаи тибби шаҳру вилоят ва ободии беморхона саҳми арзанда гузоштааст.
Иттилоъ дода шуд, ки сардухтури навтаъин Эҳсон Саидов аз соли 2000 то ба имрўз дар соҳаи тандурустӣ фаъолият дошта, номзади илмҳои тиб ва Аълочии тандурустии Ҷумҳурии Тоҷикистон мебошад. Номбурда дар вазифаҳои гуногуни роҳбарикунанда, аз ҷумла дар беморхонаи клиникавии шаҳрии №1 кор кардааст. Давоми чанд соли охир ба ҳайси муовини сардухтур оид ба қисми ҷарроҳии беморхонаи номбурда фаъолият намудааст.
Дафтари матбуоти
Раиси шаҳри Хуҷанд
