21 Апрел 2026
Бо ташаббус ва дастгирии Асосгузори сулҳу ваҳдати миллӣ, Пешвои миллат,Президенти Ҷумҳурии Тоҷикистон муҳтарам Эмомалӣ Раҳмон соли аввали озмуни ҷумҳуриявии "Шоҳномахонӣ" баргузор гардида истодааст.
Озмуни ҷумҳуриявии "Шоҳномахонӣ" бо мақсади баланд бардоштани завқи китобхонӣ, тақвияти нерӯи зеҳнӣ, дарёфти чеҳраҳои нави суханвару сухандон арҷ гузоштан ба арзишҳои миллию фарҳангӣ, инкишофи қобилияти эҷодӣ, такмили захираи луғавӣ гузаронида мешавад.
Моҳи марти соли ҷорӣ даври муассисавии озмуни мазкур дар муассисаҳои таълимии шаҳр гузаронида шуд.
Санаи 21.04.2026 дар гимназияи №1-и ба номи Раҳим Ҷалили шаҳри Хуҷанд даври шаҳрии озмуни ҷумҳуриявии "Шоҳномахонӣ" баргузор гардид.
Дар ин озмун хонандагони муассисаҳои таҳсилоти миёнаи умумӣ ва ибтидоии касбӣ, донишҷӯёни муассисаҳои таҳсилоти миёна ва олии касбӣ, бакалавр, магистр, омӯзгорон, калонсолон ва намояндагони касбу кори гуногун иштирок намуданд.
Мавриди зикр аст, ки дар даври шаҳрии озмуни ҷумҳуриявии"Шоҳномахонӣ" 198 нафар довталаб, аз ҷумла 155 нафар хонандагони муассисаҳои таълимӣ ва ибтидои касбӣ, 33 нафар донишҷӯёни муассисаҳои таҳсилоти миёна ва олии касбӣ, 6 нафар омӯзгорони зинаи ҳамаи таҳсилот ва 4 нафар калонсолон ва намояндагони касбу кори гуногун иштирок намуда, 33 нафар ба даври вилоятӣ роҳхат гирифтанд.
Дафтари матбуоти
Раиси шаҳри Хуҷанд
