18 Апрел 2026
Имрӯз, санаи 18.04.2026. дар гимназияи №1-и ба номи Раҳим Ҷалили шаҳри Хуҷанд даври шаҳрии озмуни ҷумҳуриявии “Омӯзгори соли Тоҷикистон-2026” баргузор шуд, ки дар он 6 нафар довталабон аз муассисаҳои таълимии шаҳр иштирок намуданд.
Довталабони озмун: Муслима Ҷӯраева, омӯзгори МТМУ №16, Насиба Холиқова, омӯзгори гимназияи №1 ба номи Раҳим Ҷалил, Мавлуда Ваҳҳобова, омӯзгори литсейи ДДҲБСТ, Фарангис Ҷӯраева, омӯзгори Мактаб барои хонандагони болаёқати шаҳри Хуҷанд, Ситора Адҳамова, омӯзгори МТМУ №26 ва Нигина Исоева, омӯзгори Мактаби хусусии Оксфорди шаҳри Хуҷанд тибқи муқаррароти низомномаи озмун баъди ғолибият дар давраи дуюм, дар даври шаҳрии озмуни ҷумҳуриявии «Омӯзгори соли Тоҷикистон-2026» иштирок намуданд.
Довталабони озмун бо истифода аз васоити муосири таълим дастовард, маҳорат ва истеъдоди хешро пешкашаи ҳайати ҳакамот ва ҳозирин намуданд.
Ҳамин тавр, дар натиҷаи баҳогузории ҳайати ҳакамот ғолиби даври шаҳрии озмуни ҷумҳуриявии “Омӯзгори соли Тоҷикистон-2026” Насиба Холиқова, омӯзгори гимназияи №1 ба номи Раҳим Ҷалил муайян шуд.
Мақомҳои ифтихориро дар ин озмун, ҳамчунин Муслима Ҷӯраева, омӯзгори МТМУ №16, Мавлуда Ваҳҳобова, омӯзгори литсейи ДДҲБСТ, Фарангис Ҷӯраева, омӯзгори Мактаб барои хонандагони болаёқати шаҳри Хуҷанд, Ситора Адҳамова, омӯзгори МТМУ №26 ва Нигина Исоева, омӯзгори Мактаби хусусии Оксфорди шаҳри Хуҷанд ба даст оварданд.
Дар ҷараёни озмуни ҷумҳуриявии “Омӯзгори соли Тоҷикистон-2026” муовини Раиси шаҳри Хуҷанд Муяссара Қаҳҳорӣ ва мудири шуъбаи маорифи шаҳри Хуҷанд Мадина Салимзода иштирок ва суханронӣ намуданд.
Таъкид шуд, ки ҳадаф аз баргузории чунин озмунҳо дарёфт намудани кормандони педагогии боистеъдод, навовару эҷодкор, дастгирӣ ва ҳавасмандгардонии онҳо, қадрдонии меҳнати омӯзгор ва баланд бардоштани мақому манзалати ӯ дар ҷомеа, тарғиб ва паҳн кардани таҷрибаи пешқадами педагогии омӯзгорони беҳтарини шаҳр мебошад.
Ба ғолибон ва иштирокчиёни озмун Диплом, сипоснома ва тӯҳфаҳои хотиравӣ тақдим шуд.
Дафтари матбуоти
Раиси шаҳри Хуҷанд
