21 Март 2026
Недоступен ни однин перевод.
Субҳи имрӯз бо иштироки муовини якуми Сарвазири мамлакат Ҳоким Ҳолиқзода, Раиси вилояти Суғд Раҷаб Аҳмадзода, Вазири тандурустӣ ва ҳифзи иҷтимоии аҳолии мамлакат Ҷамолиддин Абдуллозода ва Раиси шаҳри Хуҷанд Фирдавс Шарифзода ба истиқболи ҷашни Наврӯзи байналмилал ба мумфаршкунии асосии роҳи кўчаи Ҷумъа Поччоеви маҳаллаи Қорираҳмат Қурбонов расман ҳусни оғоз бахшида шуд.
Дар маросими маъракаи мумфаршкунӣ Раиси вилояти Суғд Раҷаб Аҳмадзода иттилоъ дод, ки бо дастур ва раҳнамоиҳои Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон ҷиҳати сазовор пешвоз гирифтани 35 солагии Истиқлолияти давлатии Ҷумҳурии Тоҷикистон дар қаламрави шаҳру навоҳии вилоят бунёди садҳо адад иншооти таъиноташ гуногун бомаром идома дорад.
Роҳбари вилоят гуфт, ки ин амали хайри мумфаршкунии роҳ дар заминаи дастури Пешвои миллат мӯҳтарам Эмомалӣ Раҳмон мебошад, ки ҳамасола дар гӯшаву канори кишвар амалӣ карда мешавад ва хушбахтона аз ҷониби соҳибкорони ватанӣ дастгирӣ меёбад.
Иттилоъ дода шуд, ки роҳи кӯчаи Ҷумъа Почоев беш аз 1 километр буда, бо иқдоми соҳибкори ватанӣ, муассиси ширкати сохтмонии “Тоҷ-сохтмон”, вакили Маҷлиси вакилони халқи шаҳри Хуҷанд Набиҷон Абдураззоқов бо харҷи беш аз 2 миллион сомонӣ сохта мешавад. Пудратчии корҳои ширкати “Роҳи пурфайз” мебошад.
Бо қайд намуд, ки чанде қабл бо иқдоми соҳибкори ватанӣ, муассиси ширкати сохтмонии “Тоҷ-сохтмон”, вакили Маҷлиси вакилони халқи шаҳри Хуҷанд Набиҷон Абдураззоқ дар ин маҳалла маҷмааи нави варзишӣ мавриди баҳрабардорӣ қарор дода шуд.
Ҳамчунин бо маблағгузории ширкати сохтмонии “Тоҷ-сохтмон” бинои иловагии 4 ошёнаи гимназияи №4 мавриди баҳрабардорӣ қарор дода шуда буд.
Муовини якуми Сарвазири мамлакат Ҳоким Ҳолиқзода ба ин иқдоми соҳибкори ватанӣ изҳори миннатдории Ҳукумати мамлакатро расонида, онро намунаи олии пайравӣ ба дигар соҳибкорони бонангу номус унвон намуд. Таъкид шуд, ки чунин иқдом беҳтарин амали ватандӯстӣ буда, мо дар якҷоягӣ ватану диёрамонро обод мекунем.
Аҳли маҳаллаи «Қорираҳмат Қурбонов»-и шаҳр аз ин иқдомоти созандаи Давлату Ҳукумати мамлакат истиқболи гарм намуда, аз ҷумла таъкид дошт, ки ҳамагон дар канор наистода, бо ҳамраъйии дастҷамъона диёри хешро то 35 солагии Истиқлолияти давлатии Ҷумҳурии Тоҷикистон ободу мунаввар менамоянд.
Сипас, бо дуои неки пирони маҳалла ба мумфаршкунии асосии роҳ ҳусни оғоз бахшида шуд.
Дафтари матбуоти
Раиси шаҳри Хуҷанд
