Ҳарчанд моҳи рамазон, ки моҳи имтиҳони ирода, моҳи хайру эҳсон, шафқату меҳрубонӣ асту бо мардуми мусалмон падруд гуфт, накӯкориву ғамхорӣ ба куҳансолон, маъюбону барҷомондагон, кӯдакону афтодагон ҳамоно побарҷо хоҳад монд. Чуноне Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар мулоқоташон бо ходимони дин изҳор доштаанд: «…яке аз шахсиятҳои маъруфи илму ирфон Хоҷа Абдуллоҳи Ансорӣ хуб гуфтааст:

Дил ба даст овар, ки ҳаҷҷи акбар аст,

Аз ҳазорон Каъба як дил беҳтар аст.

Мавлоно Ҷалолиддини Балхӣ ба ҳамин маънӣ гуфтааст, ки Худоро дар як хонаи сангӣ наҷӯед, чунин ҷустани Худо ҷустани нокомил аст, Ӯ Худованди ҳама ҷост, Ӯ дар қалби мардуми олам аст, аз дари дил дар мақому манзалати инсон Ӯро шиносед…». Чӣ қадар гуфтори пурҳикмат!

Дар кишвари соҳибистиқлоли тоҷикон, таҳти сарварии Президенти Ҷумҳурии Тоҷикистон мӯҳтарам Эмомалӣ Раҳмон озодии виҷдон, дину ақида, адои маросими суннатию динӣ бо имконияти васеъ роиҷ аст. Дини мубини ислом ҳамчун дини поку беолоиш ва раҳнамои накўкориҳо дар кишвари мо мақоми хоса дорад. Аз ин ҷост, ки Сарвари кишвар дар аксари мулоқоти худ таъкид мекунанд, ки «Моро зарур аст, ки минбаъд низ софдилона заҳмат кашем, фарзандонамонро дар руҳияи ватандӯстиву ватанпарастӣ ва ҳисси баланди миллӣ тарбия намоем ва Тоҷикистонро ҳамчун ватани ободу зебо ба наслҳои оянда мерос гузорем.

Мо бояд ҳамеша муттаҳиду сарҷамъ бошем ва тамоми саъю талоши худро барои ҳифзи сулҳу суботи комили кишварамон, ободии Ватани маҳбубамон, рушди давлати соҳибихтиёрамон ва баланд бардоштани обрӯи он дар арсаи байналмилалӣ равона созем».

Мардуми шарифи Хуҷандшаҳр бо эҳсоси баланди ватандорӣ, бо некиву фазилат чун анъана рўзҳои моҳи табаррукро паси сар намуд, дар ин фосила ба дастгирии мўҳтоҷону ниёзмандон шитофт ва амалҳои хайрро дар бештар анҷом дод.

Умедворам, ки бо таҷлили иди Рамазон, меҳру муҳаббат ва масъулияти мо нисбат ба якдигар ва иҷрои ӯҳдадориҳо дучанд мегардад ва ҳамагон таҳти роҳбарии Пешвои муаззами миллат мӯҳтарам Эмомалӣ Раҳмон ва нишондодҳои Раиси вилояти Суғд Раҷаб Аҳмадзода бо дастовардҳои шоёни меҳнатӣ 35 – солагии Истиқлоли давлатии Ҷумҳурии Тоҷикистонро истиқбол намоем.

Ҳамаи шумо, сокинон ва меҳмонони азизи шаҳрро ба муносибати Иди саиди Фитр шодбод мегӯям, ба хонадонатон ризқу рӯзии фаровон, рўзгори босаодат, бахту иқболи баланд, осмони софу беғубор, шодиву нишоти тифлон, сулҳу оромии абадӣ ва меҳнати софдилона ба манфиати халқу кишвар орзу менамоям.

Иди саиди Фитр муборак, ҳамдиёрон!