20 Феврал 2026
Аҳли тарбиятгирандагони МТТ№36-и шаҳри Хуҷанд бо ҳисси баланди ватандӯстӣ, хештаншиносӣ ва садоқат ба Ватану миллат Рӯзи таъсисёбии Артиши миллиро бо ташкили маҳфили идона ҷашн гирифтанд.
Таъкид шуд, ки қобили таваҷҷуҳ аст, ки имрӯз Қувваҳои Мусаллаҳи мамлакат сипари боэътимоди давлат маҳсуб шуда, сафи онро аксаран ҷавонон ташкил медиҳанд. Сарвари давлат муҳтарам Эмомалӣ Раҳмон зимни суханронӣ чунин иброз намуданд: «Ҷавонони мо дар рушди ҳама соҳаҳои иқтисодию иҷтимоии ҷумҳурӣ саҳми арзишманд гузошта, нақши онҳо аз иштирок дар бунёди иншооти азими мамлакат то хизмати содиқона дар сафи Қувваҳои Мусаллаҳ, ҳифзи сарҳади давлатӣ, суботу оромии мамлакат ва ҳаёти осоиштаи мардуми Тоҷикистон арзандаи таҳсин ва боиси ифтихори ҳар яки мо мебошад».
Маҳз иродаи боматонат ва қавии насли ояндасози ҷумҳурӣ омили дар дарозои таърих боқӣ мондани давлату миллати тоҷик шуда метавонад. Хизмат дар сафи Қувваҳои Мусаллаҳи ҷумҳурӣ имрӯз боиси ифтихори насли ҷавон буда, бори дигар аз нақши барҷастаи ин қишри муҳими ҷомеа дар ҳифзи манофеи миллӣ ва якпорчагии Ватан хабар медиҳад.
Дафтари матбуоти
Раиси шаҳри Хуҷанд
