Кормандони Кумитаи давлатии амнияти миллӣ ҳомиёни воқеии кишвар ва амнияти мардум буда, ҳамчун нерӯи тавонои мудофиавӣ дар замони Истиқлолияти давлатӣ ташаккулу такомул ёфтааст ва марзу буми кишвар таҳти муҳофизати ҳушёронаи онҳо қарор дорад. Таҳти сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон давлат ва Ҳукумати Тоҷикистон бо дарки зарурӣ ҳалли проблемаҳои хизматчиёни ҳарбӣ, кормандони мақомоти ҳифзи ҳуқуқ ва дигар сохторҳои низомӣ баробари таъмин гардидани суботи сиёсӣ ҳамаи имкониятҳои мавҷударо ба хотири фароҳам овардани шароити мусоид ва муосир равона карда истодаанд. Воқеан ҳам, хизматчиёни ҳарбии сохторҳои низомӣ ва ҳайати шахсии мақомоти ҳифзи ҳуқуқи мамлакат дар таъмини сулҳу суботи устувор, амнияти давлат ва мардум, таҳкими Ваҳдати миллӣ, ки асоси пешрафту тараққиёти кишварамон мебошад, нақши бузург доранд. Бояд қайд намуд, ки кормандони Кумитаи давлатии амнияти миллӣ дар барқарор кардани сохти конститутсионӣ ва ҳокимияти қонунӣ, мубориза бар зидди дастаҳои мусаллаҳи ҷинояткор, дар пешгирии кӯшишҳои табаддулоти ҳарбии хоинони миллат ва ҳифзи сарҳади давлатӣ хизмати фидокоронаро анҷом дода, аз имтиҳону синҷиши ҷиддӣ гузаштаанд. Дар ин раванд кормандони мақомоти амнияти миллӣ борҳо бо ҷасорату шуҷоат ва далериву матонати худ ватандӯстони асил буданашонро собит намудаанд. Итминони комил дорам, ки кормандони мақомоти амнияти миллӣ чунин қудрату нерӯ ва қобилияту зиракиро доранд ва ҳамеша дар иҷрои рисолати муқаддаси худ яъне, ҳифзи Ватан-Модар ва дифоъи манфиатҳои давлату миллат ҳамеша омодаанд. Бори дигар, тамоми кормандони ин ниҳоди муҳими давлатиро бо Иди касбиашон табрик гуфта, барояшон саломатию сарбаландӣ, хонаи ободу рӯзгори шод ва дар иҷрои вазифаҳои басо мушкил, вале бошарафу пурифтихоратон барору комёбиҳо орзу менамоям. Идатон муборак - ҳомиёни далеру шуҷои Ватан!