29 Октябрь 2025
Недоступен ни однин перевод.
Бо ибтикори бахши ҷавонон ва варзиши шаҳри Хуҷанд, Кумитаи иҷроияи Ҳизби Халқии Демократии Тоҷикистон дар шаҳр якҷоя бо бахши фарҳанги шаҳр, марди ҷавонмард ва содиқи Ватан — Амирҷон Отаҷонов, ки хизмати ҳарбиро дар қисми низомии 3501-и Қӯшунҳои дохилии РВКД Ҷумҳурии Тоҷикистон дар вилояти Суғд бо ифтихор ва сарбаландӣ адо намудааст, ба манзили оилааш баргашт.
Дар рафти хизмати ҳарбӣ Амирҷон бо далерию ҷасорат, интизом ва масъулияти баланд худро ҳамчун сарбози намунавӣ нишон дода, сазовори эҳтироми афсарон ва ҳамхизматони худ гардид.
Пас аз анҷоми хизмати шоистаи Ватан, ӯро дар шаҳри Хуҷанд бо карнай, дойра ва эҳсоси ифтихори миллӣ бо иштироки роҳбарони сохторҳои ҳизбӣ, ҷавонон ва наздикон пешвоз гирифтанд.
Дар чорабинии тантанавӣ раиси Кумитаи иҷроияи ҲХДТ дар шаҳри Хуҷанд Мунзифа Ҷабборӣ, мудири бахши ҷавонон ва варзиши шаҳр Абдувосит Ғафуров, роҳбари намояндагии ТҶҶ «Созандагони Ватан» дар шаҳри Хуҷанд Эҳсон Исоев ва намояндагони барқароркунандагони сохти конститутсионӣ ширкат варзида, ба сарбози ҷавон барои хизмати намунавӣ тӯҳфа ва сипоснома тақдим намуданд.
Масъулин зикр карданд, ки хизмат ба сафи Қувваҳои Мусаллаҳи Ҷумҳурии Тоҷикистон қарзи ҷавонмардӣ ва ифтихори ҳар як шаҳрванд мебошад. Маҳз ҷавонони далеру ватандӯст ҳастанд, ки амнияту суботи Ватанро таъмин менамоянд.
Амирҷон Отаҷонов, аъзои ТҶҶ «Созандагони Ватан», изҳор дошт, ки минбаъд низ ҳамчун ҷавони хештаншинос барои рушду пешрафти Ватан содиқона хизмат хоҳад кард.
Дафтари матбуоти
Раиси шаҳри Хуҷанд
