24 Октябрь 2025
Недоступен ни однин перевод.
Дар МТМУ №25-и ба номи Абдураҳмони Ҷомии шаҳри Хуҷанд бо иштироки сарварони муассисаҳои таълимии шаҳр машварати навбатии доимоамалкунандаи директорони муассисаҳои таълимии шаҳр баргузор гардид.
Мадина Салимзода, мудири шуъбаи маорифи шаҳри Хуҷанд ҷаласаро оғоз намуда, дар бораи дастовардҳои соҳаи маориф дар замони Истиқлоли давлатӣ андешаронӣ намуда, аз ҷумла афзуд, ки дар сиёсати маънавибунёди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рушди илмҳои дақиқ, рӯ овардан ба технологияи муосири таълимӣ, омӯзиши забонҳои хориҷӣ ҷойгоҳи махсус дошта, Роҳбари давлат борҳо дар мулоқот бо аҳли маориф зарурияти омода кардани мутахассисони касбии соҳаро амри воқеӣ медонанд. Чунончӣ дар яке аз баромадҳояшон зикр доштанд: “Агар мо хоҳем, ки давлатамон пешрафтаву нерӯманд ва ҷомеаи кишварамон осудаву мутамаддин бошад, коре кунем, ки фарзандонамон босаводу донишманд бошанд, дастовардҳои навини илму технологияҳои инноватсиониро азхуд намоянд, ду забони хориҷӣ, бахусус русӣ ва англисиро ба мисли забони модарӣ донанд ва ҳамқадами замон бошанд”.
Воқеан барои рушду такомули илмҳои дақиқ, техникаву технология дар фосилаи 34 соли соҳибистиқлолӣ корҳои азиме ба сомон расонида шуда, Ҳукумати мамлакат бо мақсади такони ҷиддӣ бахшидан ба рушди илму маориф, техника ва технологияи нав ва махсусан рушди соҳаи саноат дар кишвар, беҳтар гардонидани шароити кору зиндагии муҳаққиқон ва тарбияи насли нави мутахассисони илмҳои дақиқ соли 2010-ро «Соли маориф ва фарҳанги техникӣ» эълон намуд. Ҳамчунин ба хотири боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ, инчунин, барои тавсеаи тафаккури техникии насли наврас солҳои 2020 -2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” аз ҷониби Сарвари давлат эълон гардид.
Ҳадафи Пешвои муаззами миллат бо роҳандозии тадбирҳои мазкур пеш аз ҳама омода кардани мутахассисони сатҳи ҷаҳонӣ маҳсуб меёбад. Ҳамаи мо хуб медонем, ки иқтидори истеҳсоли маҳсулоти ватанӣ сол то сол зиёд гардида истодааст. Ба мамалакат мутахассисоне лозим ҳастанд, ки аз лиҳози касбият, дониш ва нерӯмандӣ тавонанд бо технологияи муосири идоракунӣ кор карда тавонанд.
Сипас директори МТМУ №25 Раъно Юнусова дар мавзуъи “Технологияи муосири таълим-омили рушди маҳорати касбии омӯзгор” баромад намуда, аз ҷумла афзуд, ки имрӯз зарурате пеш омадааст, ки мо дар зеҳну тафаккури насли наврас ва ҷавон омӯзиши илмҳои дақиқ ва риёзиро бештар талқин намоем. Зеро ояндаи миллат, пешрафт ва шукуфоии он аз чунин ҷавонони қобилиятнок ва соҳибистеъдод вобастагии калон дорад.
Таълим ва тарбия намудани ҷавонон яке аз омилҳои муҳими ҳаёти иҷтимоӣ буда аз тарафи волидон ва омӯзгорон сурат гирифта бо ҳам робитаи ногусастани дорад. Омили дигаре, ки асосгузори мушкилоти омӯзишӣ, ки дар кишварҳои мухталиф мавриди таваҷҷӯҳ қарор дорад, ин технологияи инноватсионии таълим ба шумор меравад.
Технологияи инноватсионии омӯзиш аз таҷҳизоти таълимӣ аёнии бевосита ва бавосита, ки масъулини он омӯзгор аст тавассути технологияи инноватсионии омӯзиш арзёбӣ карда мешавад. Технологияи инноватсионии таълим аз мафҳуми назария, амалия ва дастурамалҳое, ки аз ҷиҳати илмӣ дуруст рӯи кор баромадааст зарур шуморида мешавад.
Сипас, машғулиятҳои кушод аз ҷониби омӯзгорони МТМУ №25 баргузор гардид, ки роҳбарони муассисаҳои таълимии шаҳр онро мушоҳида ва таҳлилу баҳогузорӣ намуданд.
Барномаи фарҳангии ватандӯстона бахшида ба 31 солагии Конститутсия пешкаши ҳозирин гардонида шуд.
Дафтари матбуоти
Раиси шаҳри Хуҷанд
