22 Июль 2025
Недоступен ни однин перевод.
Дар асоси дастуру супоришҳои Пешвои миллат муҳтарам Эмомалӣ Раҳмон, нишондодҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Мақомоти иҷроияи ҳокимияти давлатии шаҳри Хуҷанд аз ҷониби Маркази назорати давлатии санитарию эпидемиологии шаҳри Хуҷанд дар якҷоягӣ бо Маркази ташаккули тарзи ҳаёти солими шаҳр дар Боғи фарҳангию фароғатии “Наврӯзгоҳ”-и шаҳр чорабинии фаҳмондадиҳӣ дар миёни аҳолӣ роҳандозӣ гардид.
Дар чорабинӣ муовини Раиси шаҳри Хуҷанд Муяссара Қаҳҳорӣ, кормандони Маркази назорати давлатии санитарию эпидемиологии шаҳри Хуҷанд, Маркази ташаккули тарзи ҳаёти солими шаҳр, шуъбаи кор бо занон ва оилаи шаҳр ва дигар масъулин иштирок намуда бо сокинон ва меҳмонони шаҳри Хуҷанд вобаста ба баланд бардоштани маърифати санитарии аҳолӣ, пешгирии бемориҳои сироятӣ ва ғайрисироятӣ ва таъмини зиндагии солими шаҳрвандон маслиҳату машваратҳо доданд. ВАрақаҳои таблиғотӣ низ паҳн карда шуд.
Иттилоъ дода шуд, ки омилҳои гирифторӣ ба бемориҳои гуногуни сироятию ғайрисироятӣ ин пеш аз ҳама ғизои номунтазаму якхела, камвитаминӣ, хастагӣ, гармии аз ҳад зиёд, таъсири сармо, риоя накардани гигиенаи шахсӣ ва дур шудан аз тарзи ҳаёти солим мебошанд.
Дар байни аҳолӣ гирифторӣ ба бемориҳои ғайрисироятӣ низ бештар гардидааст. Яке аз онҳо ин бемории фарбеҳӣ мебошад. Фарбеҳӣ дар инсон боиси пайдошавии диабети қанд, фишорбаландӣ, сактаи дил, сактаи майнаи сар, васеъшавии рагҳои хунгард ва бисёр бемориҳои дигар мегардад.
Фарбеҳӣ инчунин ба фаъолияти кории инсон таъсири манфӣ расонида, ба асабонишавӣ ва фаромӯшхотирӣ оварда мерасонад. Фарбеҳӣ, пеш аз ҳама, ба истеъмоли аз меъёр зиёди маводи ғизоӣ ва риоя накардани тарзи ҳаёти солим вобастагӣ дорад.
Иттилоъ дода шуд, ки тибқи нишондиҳандаҳои Созмони ҷаҳонии тандурустӣ, солимии ҷомеа асосан, яъне 55 фоиз аз худи аҳолӣ, 18 фоиз аз муҳити зист, 17 фоиз аз ирсият ва 10 фоиз аз сохторҳои тандурустӣ вобаста мебошад.
Ғайр аз бемориҳои сироятӣ, бемориҳои ғайрисироятӣ, аз қабили диабети қанд, фишорбаландӣ, бемориҳои дилу раг ва саратони узвҳо низ сол аз сол домани бештари аҳолиро фаро мегиранд. Омилҳои асосии ин бемориҳо -ғизои носолим, камҳаракатӣ, стресс, сигоркашӣ ва машрубот мебошанд. Пешгирии онҳо танҳо тавассути интихоби тарзи ҳаёти солим ва назорати саривақтии вазъи тиббӣ имконпазир аст.
Зикр гардид, ки бо гарм шудани ҳаво ва афзоиши истеъмоли маҳсулоти фурӯшӣ, хатари заҳролудшавии аҳолӣ низ меафзояд. Махсусан нӯшокиҳои газдор ва ғизоҳои дар шароити номусоид нигоҳдошташуда сабаби зиёди заҳролудшавӣ мегарданд. Ҳамзамон, дар мавсими сармо истифодаи нодурусти ангишт ва дастгоҳҳои гармидиҳӣ метавонад боиси заҳролудшавии хонаводагӣ гардад. Ҳушёрӣ ва риояи қоидаҳои одии истифодаи ғизо ва сӯзишворӣ метавонад ҳаёти инсонро наҷот диҳад.
Таъкид шуд, ки ҷиҳати пешгирии чунин бемориҳо аз ҷониби маркази санитарию эпидимологии шаҳри Хуҷанд минбаъд низ корҳои оммафаҳмониро миёни аҳолӣ пурзӯр гардида, маърифати мардум дар ин самт боло бурда хоҳад.
Дафтари матбуоти
Раиси шаҳри Хуҷанд
