26 Май 2025
Волейболбозони Коллеҷи тиббии шаҳри Хуҷанд ба номи Юсуфхон Исҳоқӣ дар даври ниҳоии мусобиқа миёни донишҷӯдухтарон ва кормандону омӯзгорони муассисаҳои таълимии таҳсилоти миёнаи касбии мамлкат, ки дар шаҳри Душанбе бо ташаббуси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бахшида ба Рӯзи ҷавонон сурат гирифт, мақоми дуюмро ба даст оварданд.
Ба ин муносибат истиқболи тантанавии ғолибон дар саҳни бинои Коллеҷи тиббии шаҳри Хуҷанд сурат гирифт.
Директори Коллеҷи тиббии шаҳри Хуҷанд н.и.т. Амирҷон Нурзода донишҷӯдухтаронро бо ин дастовард табрику таҳният гуфта, аз ҷумла афзуд, ки мақсади асосӣ аз амалӣ намудани иқдоми мазкур тарғиби тарзи ҳаёти солим, ҷалби хонандагону донишҷӯён ва кормандону омӯзгорон ба машғулиятҳои тарбияи ҷисмонӣ ва варзиш, ташвиқи васеи бозии волейбол дар байни аҳолии кишвар, таъмини бевоситаи иҷрои «Барномаи рушди волейбол дар Ҷумҳурии Тоҷикистон” ва муайян намудани беҳтарин дастаи волейболбозони сохторҳои Кумита маҳсуб меёфт ва хушбахтона донишҷӯдухтарони Коллеҷи тиббии шаҳри Хуҷанд дар ин мусобиқаи бонуфуз мақоми дуюмро ба даст оварданд.
Таъкид шуд, ки Коллеҷи тиббии шаҳри Хуҷанд ба номи Ю.Б.Исҳоқӣ дар қатори дигар муассисаҳои таълимӣ дар татбиқи сиёсати давлатии ҷавонон саҳми назаррас дошта сиёсати муваффақона ва ҷавонпарваронаи Роҳбарияти кишвар ва Ҳукумати мамлакатро дар самти татбиқи сиёсати давлатии ҷавонон идома дода барои фароҳам овардани шароити мусоид барои рушди ҷавонон аз тамоми имкониятҳо истифода мебарад.
Ҷавонони муассиса имрӯз иқдому ташаббусҳои Пешвои муаззами миллатро даастгирӣ намуда дар ҳаёти сиёсиву иҷтимоӣ ва фарҳангию варзишии шаҳру вилоят ва ҷумҳурӣ фаъолона ширкат меварзанд ва оянда низ вазифадоранд, ки ин масъулияти бузургро содиқонаву софдилона иҷро намоянд.
