14 Май 2025
Дар Коллеҷи тиббии шаҳри Хуҷанд ба номи Юсуфхон Исҳоқӣ бахшида ба Рӯзи ҷавонон ҳамоиш таҳти унвони "Ҷавонон-пайравони Пешвои миллат" баргузор шуд.
Ҳамоишро директори колллеҷи тиббии шаҳри Хуҷанд н.и.т. Нурзода Амирҷон Рӯзихон ифтитоҳ намуда, аз ҷумла афзуд, ки бо дастгирии доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар давраи соҳибистиқлолӣ нисбат ба ҷавонон таваҷҷуҳ ва ғамхории махсус зоҳир гардида, барои ташаккули ҳамаҷонибаи онҳо ҳамаи шароити заруриро фароҳам оварда шудааст. Зеро ояндаи Тоҷикистон дар дасти ҷавонон буда, нақш ва мавқеи онҳо имрӯз дар тамоми ҷабҳаҳои давлатдорӣ эҳсос карда мешавад. Барои дастгирӣ ва ҳавасмандгардонии ҷавонони соҳибистеъдод стипендияҳои президентӣ ва номӣ, квотаи президентӣ, стипендияи байналмилалии президентии «Дурахшандагон», грантҳои Ҳукумати Тоҷикистон дар самти тарбияи ватанпарастии ҷавонон, ҷоизаи ба номи Исмоили Сомонӣ барои олимони ҷавон, таъмини оилаҳои ҷавон бо манзил ва қитъаи замин муқаррар карда шуда, сол аз сол ҷалби ҷавонони лаёқатманд ба идоракунии давлатӣ ва пешбарии онҳо ба вазифаҳои роҳбарикунанда афзуда истодааст, ки ҳамаи ин иқдомот ҳамчун далели ғамхориҳои пайвастаи давлат ва Ҳукумати мамлакат арзёбӣ мегарданд.
Таъкид шуд, ки сол аз сол ҷалби ҷавонони лаёқатманд ба идоракунии давлатӣ ва пешбарии онҳо ба вазифаҳои роҳбарикунанда афзуда истодааст, ки ҳамаи ин иқдомот ҳамчун далели ғамхориҳои пайвастаи давлат ва Ҳукумати мамлакат арзёбӣ мегарданд.
Имрӯз ҷавонони кишвар, бо рӯҳбаландиву ғайрати тоза дар тамоми самтҳои хоҷагии халқ софдилона фаъолият бурда, дар ҳамаи чорабиниҳову маъракаҳои гуногуни сиёсиву иқтисодӣ, фарҳангиву иҷтимоӣ ва маърифативу варзишӣ саҳми назаррас ва нақши боризи худро гузошта истодаанд.
Сипас муовини Филлиали Иттифоқи ҷавонони Тоҷикистон дар вилояти Суғд Абдуҷамил Абдуллозода, мудири шуъбаи кор бо ҷавонони КИ ҲХДТ дар шаҳри Хуҷанд Эҳсонҷон Исоев, сармутахассиси бахши кор бо ҷавонон ва варзиши МИҲД-шаҳри Хуҷанд Муҳаррам Авезова, мутахассиси бахши кор бо ҷавонон ва варзиши МИҲД-и шаҳри Хуҷанд Манижа Насруллоева ва дигарон доир ба нақши ҷавонон дар рушди давлатдории миллӣ маърӯзаҳо намуданд.
Зикр гардид, ки ҷавонон бояд дар рушди ҷомеа ва иштироки фаъоли он саҳмгузор бошанд. Интихоби роҳбарони ҷавон, иштироки ҷавонон дар ташкилотҳои ғайридавлатӣ ва иштироки онҳо дар ҳалли мушкилоти ҷомеа, муҳим аст. Инчунин, ҷавонон бояд ба корҳои иҷтимоӣ, эҳсонкорӣ ва кӯмак ба табақаҳои ниёзманди ҷомеа аҳамият диҳанд.
Ҷавонон ояндаи миллатанд. Инкишоф ва дастгирии онҳо яке аз вазифаҳои асосии ҳар як давлат мебошад. Бо фароҳам овардани шароити зарурӣ барои таҳсилот, рушди касбӣ, шахсӣ,ва иштирок дар ҳаёти иҷтимоӣ, мо метавонем ба як ҷомеаи муваффақ ва пешрафта ноил гардем. Ин дар навбати худ ояндаи дурахшони миллатро таъмин мекунад.
Сипас ба як қатор ҷавонони фаъол сипосномаю туҳфаҳои хотиравӣ тақдим гардид.
