Дарси намунавӣ: “Оила-сарчашмаи муҳаббат ва тарбия”

Ба дарс як қатор меҳмонон: муовини раиси шаҳр-Муяссара Қаҳҳорӣ, мудири шуъбаи кор бо занон ва оилаи назди мақомоти ҳокимияти иҷроияи давлатии шаҳри Хуҷанд-Манучеҳра Кенҷазода, мудири шуъбаи маорифи шаҳри Хуҷанд-Шаҳноза Мақсудзода, мутахасси шуъбаи маорифи шаҳри Хуҷанд-Абдуллоева

Раиси иттифоқи касабаи МТМУ №2- Тавҳида Баҳриддинова , оилаи намунавӣ-ҳунарпешаи кино ва театр, Аълочии фарҳанг, дорандаи ордени Шараф-Мирзоахмедов М., омӯзгор, Аълочии маорифи Ҷумҳурии Тоҷикистон –М. Мирзоахмедова иштирок ва дарсро мушоҳида карданд.

Мавзуъи дарс “Оила-сарчашмаи муҳаббат ва тарбия” буда, мақсади он аз чунин ҷабҳаҳо иборат буд::

1.Дарки амиқи нақши оила дар зиндагии ҳар як инсон

2.Баланд бардоштани ҳисси масъулият ва эҳтиром ба волидайн

3.Тарбияи муҳаббат ба оила, меҳнат ва ахлоқи ҳамида

Соати тарбиявӣ бо Суруди миллӣ оғоз гардида, шеърҳо дар васфи Тоҷикистон, Ватан шунида шуд. Бо мақсади истифодаи санадҳои меъёри ҳуқуқӣ, яъне Консепсияи миллии тарбия мақсад ва мӯҳтавои 18 самти он аз тарафи хонандагон дар лаҳзаи ташкилӣ шарҳ дода шуд.

Хонандагон оиди мавзуъи гузашта “Шараф чизи таҷовуз нопазир аст...” маълумотҳои мушшахас доданд. Сипас омӯзгор мавзуъи навро эълон намуда, хонандагонро бо мақсади дарс шинос намуд. Хонандагон бо истифода аз усули “Чархи ақидаҳо” фикри худро оид ба мафҳуми “Оила чист?” иброз доштанд. Омӯзгор хонандагонро ба гуруҳҳо ҷудо намуда, аз ҳар гурӯҳ хоҳиш намуд, то ки онҳо ба гурӯҳи худ номгузорӣ намуда, онро меънидод намоянд, ки дар навбати худ хонандагон визифаи дар наздашон гузошташударо ба тези иҷро намуда, духтарон ба гурӯҳи худ “Гул” номгузорӣ намуда, баён доштанд, ки зан-модар чун гул ботаровату мушки анбар дорад. Зан-бахшандаи нерӯи ҳаёти нав мебошад. Писарон бошад дар навбати худ гурӯҳи худро “Боғбон” ном ниҳода, ба ҳамагон барои чӣ чунин ном гузоштани гурӯҳашонро маънидод карданд. Дар навбати худ омӯзгор ба гурӯҳҳо саволҳо ба монандӣ:

1). Чӣ чиз оиларо муттаҳид нигоҳ медорад?

2).Модар дар оила чӣ мақом дорад?

3)Падар дар оила чӣ масъулият дорад?.... дода аз хонандагон фикрашонро оиди мавзуъ пурсид. Хонандагон ҳозирҷавоб буда, ҳарду гурӯҳ ба саволҳо ба тезӣ ва бо маънои том ҷавоб доданд.

Аз тарафи хонандагон саҳнача дар мазуи “Оила аз ҳама боло аст!” намоиш дода шуд. Гурӯҳҳо оиди саҳнаи гузошташуда хулосабарорӣ намуда, фикру ақидаи худро баён доштанд. Муаллима мавзуъро ҷамъбаст намуда, ба мақсадҳои дарпешгузошташуда ноил гардид.

Оилаи намунавӣ муаррифӣ карда шуд. Сардори оила дар суханронии хеш қайд кард, ки асоси оилаи хушбахт ва пойдорро якдигарфаҳмӣ ва меҳру муҳаббат ташкил медиҳад.

Дар навбати худ муовини Раиси шаҳри Хуҷанд-Муяссара Қаҳҳорӣ ба дарс баҳои баланд дода, дар арафаи птаҷлили “Рӯзи оила” ва бо хонандагони синфи 11 гузаронидан соати тарбиявиро ба маврид шуморид.

Мудири шуъбаи кор бо занон ва оилаи назди мақомоти ҳокимияти иҷроияи давлатии шаҳри Хуҷанд- Манучеҳра Кенҷазода баромад намуда, қайд кард, ҳар як шахс бояд асоси пойдории оиларо аз падару модараш омӯзад ва онҳоро дар оиладорӣ чун намунаи беҳтарин интихоб намояд.

Мудири шуъбаи маорифи шаҳри Хуҷанд- Шаҳноза Мақсудзода қайд намуд, ки ҷавонон ояндаи давлату миллат ба ҳисоб мераванд ва бояд хатмкунандагон донишгоҳҳои беҳтаринро интихоб карда, саҳми хешро пеш аз ҳама дар пешравии оила, ҷомеа ва давлату миллат гузоранд. Кӯшиш кунанд, ки яке аз шахсони барӯманд тарбия ёфта оилаи солим барпо намоянд.

Раиси иттифоқи касаба, омӯзгори собиқадор- Тавҳидахон Баҳридинова баромад карда, асоси зиндагии хуб пешрафт дар касбу кори хешро дар оилаи худ донист. Омӯзгор ифтихор менамояд, ки дар яке аз оилаҳои баруманди шаҳр, дар авлоди Осимовҳо ба воя расидааст.

Директори муассиса- Умедахон Муҳаммадзода дарсро ҷамъбаст намуда, барои ташрифи меҳмонон арзи сипос намуд.