Асосӣ БойгонӣМулоқоти прокурори шаҳри Хуҷанд бо масъулини комиссияи даъвати ҳарбӣ

Мулоқоти прокурори шаҳри Хуҷанд бо масъулини комиссияи даъвати ҳарбӣ

(0 овоз, миёна 0 аз 5)

08 Октябр 2024

Дар толори Комиссариати ҳарбии шаҳри Хуҷанд бо иштироки прокурори шаҳри Хуҷанд мушовири адлияи дараҷаи якум Бахтиёр Нозимзода ҷаласаи корӣ оид ба рафти даъвати тирамоҳии наваскарон ба хизмати ҳарбӣ баргузор гардид.

Нахуст оид ба рафти даъвати тирамоҳии ҷавонон ба хизмати ҳарбӣ,  Раиси комиссияи шаҳрии даъвати ҳарбӣ, муовини Раиси шаҳри Хуҷанд Ҷамшед Набизода гузориш дод.
Иттилоъ дода шуд, ки ҷиҳати иҷрои қарори Раиси шаҳри Хуҷанд «Дар бораи омодагӣ ба даъвати тирамоҳии соли 2024 ба хизмати ҳарбӣ» аз ҷониби масъулин як қатор корҳо ба анҷом расонида шуданд. Минбаъд тадбирҳои муҳим дар ин ҷода роҳандозӣ мегарданд. Ҳамарӯза сафи ихтиёрон ба хизмати ҳарбӣ афзуда, ҷиҳати иҷрои нақшаи пешбинишуда фаъолият ҷоннок карда шудааст.
Таъкид гардид, ки хизмат дар сафи Қувваҳои мусаллаҳи мамлакат барои насли ҷавон на танҳо қарзи шаҳрвандӣ ва шарафи инсонӣ, балки муҳимтарин мактаби обутоб аст. Маҳз дар ҳамин ҷо ҷавонписарон шуҷоату мардонагӣ омӯхта, муқаддастарин арзиши ҳаёт —  дӯст доштан ва содиқона муҳофизат кардани хоки поки Ватани азизро ёд мегиранд.
Дар ҷараёни ҷаласа ҳисоботи комиссари ҳарбии шаҳри Хуҷанд полковник Шералӣ Мансурӣ низ шунида шуд.
Прокурори шаҳри Хуҷанд мушовири адлияи дараҷаи якум Бахтиёр Нозимзода вазъро мавриди таҳлил қарор дода, аз фаъолияти сусти комиссириати ҳарбӣ ва бархе ниҳодҳои ба даъвати наваскарон ба хизмати ҳарбӣ масъул, интиқод карда таъкид намуд, ки мо бояд шукронаи ин сарзамин, амну осоиштагӣ намуда, фаъолнокиро бештар намоем. Мо пеш аз ҳама худамон намуна бошем, бо амаламон дар содиқ будан ба Ватану миллатро собит созем.
Баҳри ҷалби ҷавонон ба хизмати ҳарбӣ нақшаву дурнамои муайян дошта бошем, ҳанӯз пеш аз даъвати ҳарбӣ, корҳои муайянро ба анҷом расонем, аз қабили ҷоннок намудани фаъолияти комиссияи даъват, бахусус дар самти бақайдгирии шаҳрвандони синни даъват, ҷалби муҳассилин ба мактаби муттаҳидаи техникии ҷамъияти ташкилоти мададгори мудофиаи шаҳри Хуҷанд, тарғибу ташвиқи пайваста, тарғиби ғояҳои ватандӯстона дар қалби ҷавонони имрӯза ва ғайраҳоро роҳандозӣ намоем.
Аз раисони маҳаллаҳо, нозирони минтақавии милитсия, маориф, тандурустӣ ва дигарон даъват ба амал оварда шуд, ки ҳамоҳангиро бо комиссияи даъвати ҳарбӣ, бахусус комиссирати ҳарбӣ ҷоннок намуда, бо роҳандозии корҳои тарғиботӣ ташфиқотӣ бо мақсади баланд бардоштани ҳисси ҳарбӣ ватандӯстии шаҳрвандон баҳри иҷрои нақшаи даъвати ҳарбӣ пеш аз муҳлат мусоидати фаъол намоянд.
Дар анҷоми ҷаласа таъкид шуд, ки Давлат ва Ҳукумати мамлакат барои ба роҳ мондани фаъолияти муназзами ҷузъу томҳои Қувваҳои Мусаллаҳ тамоми чораҳои имконпазирро амалӣ гардонидааст. Мо – ҳамагон вазифадорем, ки шукронаи истиқлолият, сулҳу оромӣ ва сарҷамъиву ваҳдати миллиамонро эҳтиёт кунем ва доим дар андешаи ободиву ҳифзи Ватанамон бошем.