Асосӣ Архив“Офарин” ба далерӣ, ҳушёрӣ, зиракӣ, шуҷоат, пуртоқатӣ ва матонати кӯдакон мусоидат менамояд

“Офарин” ба далерӣ, ҳушёрӣ, зиракӣ, шуҷоат, пуртоқатӣ ва матонати кӯдакон мусоидат менамояд

(1 голос, среднее 1.00 из 5)

16 Июль 2024

Недоступен ни однин перевод.

Дар муассисаҳои томактабии шаҳри Хуҷанд баҳри амалӣ намудани Барномаи ташаккули тарзи ҳаёти солим ва яке аз самтҳои Консепсияи миллии тарбия дар Ҷумҳурии Тоҷикистон тадбирҳои мушаххас андешида мешавад.

Дар кӯдакистонҳо ба машғулияти тарбияи ҷисмонӣ аҳамияти ҷиддӣ зоҳир карда, ба воситаи он дар тинати кӯдакон тарбия намудани тарзи ҳаёти солим, ҷусту чолокӣ, далерӣ, ҳушёрӣ, зиракӣ, шуҷоат, пуртоқатӣ ва матонатро талқин менамоянд.
Мусобиқаи навбатии варзишии «Офарин» дар МТТ№6-и шаҳри Хуҷанд бо тарбиятгирандагони ин муассисаи томактабӣ шаҳр сурат гирифт.
Иштирокдорони мусобиқа аз рӯйи шартҳои давидан аз байни монеаҳо дар шакли морпеч, аз нақб гузаштан, ҳаво додани тӯб ба сабад, ҷаҳиш аз ҳалқа бар ҳалқа, ҳалқача нишон гирифтан, болои тӯпи калон нишаста, ҷастан, ҳалқаҳоро аз болои худ гузаронидан ва ғайраҳоро бо маҳорати баланд ва завқи кӯдакона иҷро намуданд.
Дар натиҷаи қувваозмоӣ байни дастаҳо бо ба даст овардани холҳои ягона дӯстӣ ғалаба намуд.
Ба ғолибон ва иштирокдорони мусобиқа туҳфаҳо тақдим карда шуд.
Ҷараёни мусобиқаи варзишии «Офарин»-ро намояндагони шуъбаи маорифи шаҳри Хуҷанд Туҳфа Мамадчонова, Тахмина Абдувалиева ва маъмурияту мураббиёни кӯдакистони №6 мушоҳида намуданд.