24 Апрел 2021
Дар чойхонаи маҳаллаи Чорчароғи шаҳри Хуҷанд бо иштироки намояндагони Маркази назорати давлатии санитарию эпидемологии шаҳр, Кумиҷроияи ҲХДТ дар шаҳр, хадамоти муҳоҷират ва Маркази ташаккули тарзи ҳаёти солими шаҳр бо сокинон ва фаъолони маҳалла мулоқот баргузор гардид.
Аз тарафи кормандони Маркази назорати давлатии санитарию эпидемологии шаҳр роҷеъ ба аҳамияти гузаронидани ваксина бар зидди бемории короновирус ва роҳҳои пешгирии бемориҳои сироятӣ маълумот дода шуд.
Таъкид гардид, ки мақсади эмгузаронии инсонҳо, новобаста ба пир ё ҷавон будани онҳо, аз масуниятдор кардани бадани онҳо алайҳи бемориҳои муайяни сироятӣ мебошад. Дар ҳақиқат масуниятдор кардан яке аз омилҳое мебошад, ки баданро қавӣ намуда, онро барои мубориза ба муқобили беморӣ қодир месозад. Эмгузаронӣ ба муқобили бемориҳо дар робита ба ҳифзи ҳаёт ба воситаи муҳофизат намудани он аз хавфу хатари беморӣ мувофиқ аст.
Дар ҷараёни мулоқот аз ҷониби Кумиҷроияи ҲХДТ дар шаҳр, хадамоти муҳоҷират ва Маркази ташаккули тарзи ҳаёти солими шаҳр доир ба масоили рўзмарра, аз қабили пешгирии ҷинояткорӣ ва гаравидани ҷавонон ба ҳизбу ҳаракатҳои мамнуъ, роҳҳо ва усулҳои сафари муоҳоҷирон ба Русия дар давраи пандемия, тарзи пеш бурдани ҳаёти солим ва баланд бардоштани масунияти бадани инсон а нақши он дар пешгирии бемориҳо маълумот дода шуд.
Мулоқот бо мубодилаи афкори тарафайн анҷом пазируфт.
Дафтари матбуоти
Раиси шаҳри Хуҷанд