06 Март 2016
Бо мақсади иҷроиши дастуру ҳидояти Президенти Ҷумҳурии Тоҷикистон, Пешвои миллат Эмомалӣ Раҳмон имрӯз Раиси шаҳри Хуҷанд Раҷаббой Аҳмадзода чанде аз шахсиятҳои маъруфи диёр, собиқадорони меҳнат, ходимони давлатию сиёсӣ, омӯзгорони собиқадор, кормандони шоистаи соҳаи тандурустӣ ва фарҳангро аёдат намуд.Раиси шаҳри Хуҷанд ба манзили ходими давлатӣ Биҳоҷал Раҳимова, Шуҷоат Ҳасанова, Ҳунарманди мардумии Тоҷикистон Сайрам Исоева, Қаҳрамони Меҳнати Сотсиалистӣ Ҳамроҳ Тоҳирова омада, аз номи Президенти Ҷумҳурии Тоҷикистон, Пешвои миллат Эмомалӣ Раҳмон ва Раиси вилояти Суғд Абдураҳмон Қодирӣ ба муносибати иди баҳору зебоӣ ва фархунда,-Рӯзи модар табрику муборакбод намуд. Раҷаббой Ахмадзода саҳми онҳоро дар таҳкими арзишҳои миллӣ, тарбияи насли ҷавон дар руҳияи ватандӯстию меҳанпарастӣ ва меҳнати фидокорона арзанда ва сазовор арзёбӣ намуда, таъкид кард,ки ҳаёту зиндагӣ ва корнамоии ҳар кадоми онҳо боиси ифтихори мардуми сарбаланди кишвар ва намунаи ибрати имрӯзу фардо хонд.
Ҳамзамон Раиси шаҳр ба манзили собиқадори соҳаи маориф Мавҷуда Аҳророва рафта, ӯро низ бо «Рӯзи модар» самимона табрик намуд. Мавҷуда Аҳрорва давоми 36 сол инҷониб дар комлекс-кӯдакистон ва мактаби кӯдакони қувваи босираашон суст ва нобино барои хонандагони синфҳои ибтидоӣ таълим медиҳад. Дар баробари ин моҳи декабри соли гузашта муаллима барои таъмири манзили истиқоматиаш ба Раиси шаҳри Хуҷанд муроҷиат намуда, кӯмак дархост намуда буд.Бо супориши Раҷаббой Аҳмадзода манзили Мавҷуда Аҳророва пурра азнавсозӣ гардида, сохтмони бинои истиқоматии бисёрҳуҷрагӣ дар ҳавлии ӯ дар марҳилаи анҷомёбист. Оӯзгори собиқадор бо истифода аз фурсат аз иҷроиши дархосташ ва ғамхории давлату ҳукумат ба Президенти Ҷумҳуҳурии Тоҷикистон, Пешвои миллат Эмомалӣ Раҳмон изҳори сипос намуда, аз Раиси шаҳр хоҳиш намуд, ки таманниёту дуои неки ӯро ба сарвари кишвар ва роҳбарияти вилоят расонад.
Раиси шаҳри Хуҷанд Раҷаббой Аҳмадзода инчунин собиқадори соҳаи тандурустӣ Бималика Холматова, омӯзгори собиқадор, маюби дараҷаи якум Ҳақиқат Насруллоеваро низ аёдат намуд. Ба тамоми аёдатшудагон тӯҳфаҳои хотиравӣ ва кӯмаки моддии яквақта расонда шуд.
