(0 овоз, миёна 0 аз 5)

Маълумотномаи
фаъолияти бахш оид ба корҳои дин, танзими анъана ва ҷашну маросимҳои миллии мақомоти иҷроияи ҳокимияти давлатии шаҳри Хуҷанд дар нӯҳ моҳи соли 2016

Бахши мазкур маълумотҳоро вобаста ба иҷроиши Қонунҳои Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ва “Дар бораи озодии виҷдон ва иттиҳодияҳои динӣ” дар давоми 9 моҳи соли 2016 пешниҳод менамояд:
Комиссияи доимӣ оид ба танзими анъана ва ҷашну маросимҳо фаъолияти худро тибқи низомнома ба роҳ монда, дар асоси нақша-чорабинии тасдиқгардида маҷлиси ҷамъбастии фаъолияти комиссияи доимӣ бо иштироки аъзоёни он ва роҳбарони тӯйхонаву тарабхонаҳои шаҳр гузаронида шуд.
Тибқи ҳисоботи оморӣ дар шаҳри Хуҷанд дар давоми нӯҳ моҳи соли 2016 - 2007 адад маърака ба қайд гирифта шудааст. Аз ҷумла, тӯи арӯсию домодӣ 1109 адад, хатнасур 669 адад, маъракаи чил 152 адад, маъракаи сол 77 адад баргузор гардидааст. Хароҷоти маъракаҳои гузаронидашуда ба таври умумӣ 17.740.100 сомониро ташкил медиҳад.
Дар ин муддат, санҷишҳои гузаронидашуда нишон медиҳад, ки қонунвайронкунӣ ҷиҳати риоя накардан ба талаботи Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ҳангоми баргузории ҷашну маросимҳо ба назар мерасанд. Нисбати шахсони ҳуқуқвайронкунанда бинобар вайрон намудани талаботи моддаҳои 8-9-10 ва 14-и қонун маводҳои ҳуқуқвайронкунии маъмурӣ тартиб дода шуда, ба суди шаҳр ирсол карда шуданд, ки ин адад дар ҳамин давра 15 ададро ташкил дод. Нисбат ба ҳамин давраи соли гузашта 3 адад қонунвайронкунӣ зиёд мебошад.
Баҳри иҷрои моддаи 4-қонуни мазкур комиссияи ҷамъиятӣ оид ба танзими анъана ва ҷашну маросимҳои соҳаи маориф аз ҷумла, муассисаҳои таҳсилоти то мактабӣ ва мактабҳои таҳсилоти миёнаи умумӣ новобаста аз шакли моликияташон ва қисман корхонаҳои саноатӣ мавриди санҷиш қарор дода шуд. Муассисаҳои таълимие, ки теъдоди кормандашон аз 30 нафар кам гаштааст, тибқи мактуби воридгардида аз рӯйхати комиссияи ҷамъиятӣ бароварда шудаанд.  Бояд қайд намуд, ки дар ҳудуди шаҳри Хуҷанд 156 комиссияи ҷамъиятӣ оид ба танзими анъана ва ҷашну маросимҳои миллӣ фаъолият менамоянд.
Бо ташаббуси комиссияи доимӣ ҳамкорӣ бо комисияи ҷамъиятии кумитаҳои маҳаллаҳо ба муносибати идҳои давлатӣ ва ифтитоҳи иншооти нави корхонаву муассисаҳо бо ҷалби шахсони саховатманд ва соҳибкорон дар 19 чорабинӣ хатнасури хайриявӣ 131 нафар кӯдакони ятиму бепарастор ва аз оилаҳои камбизоат ва тӯйи хонадоршавии хайриявии 2 ҷуфт ҷавонон ташкил ва гузаронида шуд.
Вобаста ба иҷроиши Қарори Ҳукумати Ҷумҳурии Тоҷикистон №662 аз 31.12.2011 «Дар бораи тасдиқи «Тартиби гирифтани таълими динии шаҳрвандони Ҷумҳурии Тоҷикистон дар хориҷи кишвар» чораҳои амалӣ андешида шуд. Санаҳои 26.01.2016 ва 04.08.2016 соли равон масъулини бахш якҷоя бо дигар намояндагони шӯъбаю бахшҳои мақомоти иҷроияи ҳокимияти давлатии шаҳр таҳти роҳбарии муовини соҳавии Раиси шаҳр дар алоҳидагӣ бо волидайни ҳар як донишҷӯ вохӯрӣ доир намуданд. Моҳи майи соли равон бошад, аз ҷониби корманди прокуратураи шаҳр якҷоя бо масъулини бахш оид ба корҳои дин, танзими анъана ва ҷашну маросимҳои миллии мақомоти иҷроияи ҳокимияти давлатии шаҳр нисбати номбурдагон корбарӣ намуда, ба ҳар яки волидайни онҳо мактуби огоҳӣ супорида шуд.
Тибқи барқияи шӯъбаи оид ба корҳои дин, танзими анъана ва ҷашну маросимҳои миллии мақомоти иҷроияи ҳокимияти давлатии вилоят санаи 30 июли соли 2016 мувофиқакунонии имомхатибон гузаронида шуд. Тибқи хулосаи комиссияи атестатсионии ҷумҳуриявӣ ба 2 нафар имомхатибон Ҳоҷӣ Ҳусайн Мӯсозода ва Калонзода Ибодулло ба вазифаи ишғол намудаашон мувофиқ дониста, барои пешниҳоди 3 нафар номзад ба имомхатибии масҷидҳои ҷомеи “Бобо-хӯҷа”, “Ихлос” ва “Тақво” дастур дода шуд.
Ба унвони мақомоти иҷроияи ҳокимияти давлатии шаҳр аз номи ҳайати муассисони масҷидҳои панҷвақтаи “Тавҳид”-и маҳаллаи Сари Баландӣ аз 28 январи соли 2016, №2, “Шайх Ислом”-и маҳаллаи Тути калон аз 09 феврали соли 2016, №1 ва “Файзи ислом”-и маҳаллаи Хуҷанд оиди ба барҳам додани масҷидҳои номбурда ариза бо замимаи суратҷаласаи маҷлиси ҳайати муассисон ворид гардид. Дар асоси муроҷиати ҳайати муассисон мақомоти иҷроияи ҳокимияти давлатии шаҳр барои аз феҳрести қайди давлатӣ баровардани масҷидҳои панҷвақтаи мазкур аз 01 феврали соли 2016, №1\12-229, аз 11 феврали соли 2016, №1\12-332 ва аз 15 июни соли 2016, №1\12-1303 ба Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон мактуб ирсол гардида, бо фармоиши Раиси Кумита аз 24 феврали соли 2016, №23, №24 ва аз 21 июни соли 2016, №79 қонеъ гардонида шуд.
Ҳангоми гузаронидани амалиёти назоратӣ дар ҳудуди шаҳр аз ҷониби масъулини бахш якҷоя бо кормандони мақомоти ҳифзи ҳуқуқ нафарони дар ғайри ҷои номуқарраргардида бо тоату ибодат машғул буданд, ошкор намуда, нисбати 8 (ҳашт) нафар шаҳрвандон бинобар вайрон намудани моддаи 20-и Қонуни Ҷумҳурии Тоҷикистон “Дар бораи озодии виҷдон ва иттиҳодияҳои динӣ” ва бо дастрасии моддаи 474, қисми 1-и КҲМ Ҷумҳурии Тоҷикистон протоколи ҳуқуқвайронкунии маъмурӣ тартиб дода шуд.
Инчунин, 3 (се) нафар шаҳрвандон бо додани таълими динии ғайриқонунӣ машғул буданд, муайян карда шуд. Нисбати онҳо бинобар вайрон намудани моддаи 8, қисми 4-и Қонуни Ҷумҳурии Тоҷикистон “Дар бораи озадии виҷдон ва иттиҳодияҳои динӣ” ва бо дастрасии моддаи 474, қисми 1, сархати 3-и КҲМ Ҷумҳурии Тоҷикистон протоколи ҳуқуқвайронкунии маъмурӣ тартиб дода, қарори дахдол қабул карда шуд. Дар натиҷа нисбати 10 нафар ба андозаи 7 нишондиҳанда ва нисбати 1 нафар роҳбари калисо Холматов Б.Ҳ. ба андозаи 20 нишондиҳанда ҷарима муқаррар карда шуд.
Гурӯҳи корӣ дар ҳайати масъулини бахш, намояндагони шӯъбаи оид ба корҳои дин, танзими анъана ва ҷашну маросимҳои миллии МИҲД-и вилояти Суғд, РКДАМ дар вилояти Суғд, Раёсати маорифи вилоят ва мақомоти андози шаҳр дар ташкилоти динии ғайриисломӣ «Сонмин-Сунбогим», воқеъ дар маҳаллаи 12-уми шаҳри Хуҷанд амалиёти назоратӣ гузарониданд. Дар рафти амалиёти назоратӣ 79  адад адабиётҳои динӣ ва 122 адад видеокассетаҳо бо тартиб додани санади дахлдор мусодира карда шуд.
Санаҳои 4 феврал ва 17 июни соли равон бо иштироки Раиси шаҳр, сардорони ШВКД ҶТ дар шаҳр ва шӯъбаи РКДАМ ҶТ дар  шаҳр мулоқот бо ҳамаи имомони масҷидҳои шаҳри Хуҷанд гузаронида шуд. Ҳамаи имомон бобати пурзӯр намудани тарғиботу ташвиқот зидди равияи мамнӯъшудаи «Салафия» ва дигар гурӯҳҳои тундрав вазифадор карда шуданд. Дар асоси нақша-чорабиниҳо оид ба ташкили мулоқоту вохӯриҳо дар кумитаи маҳаллаҳои шаҳри Хуҷанд бо аҳолӣ, қишрҳои гуногуни ҷомеа, ҷомеаҳои меҳнатӣ ва гузаронидани корҳои ташвиқотӣ-тарғиботӣ оид ба дастовардҳои 25-соли даврони Истиқлолият, даъвати ҷавонон ба сафи Артиши миллӣ, эҳтироми арзишҳои миллӣ, пешгирии шомилшавии ҷавонон ба ҳизбу ҳаракатҳои экстримистӣ-террористӣ ва ҷинояткорӣ санаҳои 08.08.2016, 09.08.2016, 10.08.2016, 11.08.2016, 12.08.2016, 15.08.2016, 16.08.2016, 17.08.2016, 17.08.2016, 18.08.2016, 18.08.2016, 19.08.2016, 22.08.2016, 23.08.2016 бо сокинони  кумитаи маҳаллаҳои шаҳр дар МТМУ №16, 12, 9, 5, 3, 25, 2, 22, 6, 24, 11, 23, 10 ва 21 вохӯрӣ баргузор гардид. Ҳамзамон, бо ҷалби имомхатибони масҷидҳои ҷомеъ тибқи ҷадвали тасдиқгардида аз санаи 5 январи соли 2016 то ин марҳила дар 18 масҷидҳои панҷвақтаи маҳаллаҳо мулоқот гузаронида шуд.
Ҷиҳати иҷрои Амри Президенти Ҷумҳурии Тоҷикистон аз санаи 12 январи соли 2008, №АП-467 ва Қарори Раиси шаҳри Хуҷанд аз 11 марти соли 2016, №147 “Дар бораи тасдиқ намудани оилаҳои камбизоаттарин ба шахсони бесаробони эҳтиёҷманд, барои расонидани кӯмакҳои мунтазами моддӣ” аз ҷониби масҷидҳои ҷомеъ ва тӯйхонаҳо ба 85 оилаҳои камбизоат ва ятимону бепарасторон ба муносибати идҳои расмӣ аз ҷумла Иди Наврӯз, Иди Ғалаба ва Иди кӯдакон, Иди саиди Фитр, Ҷашни Истиқлолият ва Иди Қурбон кӯмак ба шакли маводи хӯрока расонида шуд.
Ҷиҳати иҷрои Амри Президенти Ҷумҳурии Тоҷикистон аз 12 январи соли 2008, №АП-467, Амри Раиси вилояти Суғд аз 15 августи соли 2011, №46 ва супориши Шумо бахш оид ба корҳои дин, танзими анъана ва ҷашну маросимҳои миллии мақомоти иҷроияи ҳокимияти давлатии шаҳри Хуҷанд корбарӣ намуда, чунин иттилоъ медиҳад, ки дар рӯзи Иди Фитр аз тарафи масҷидҳои ҷомеъ ба 70 оилаҳои камбизоат ёрии моддӣ ба шакли маводи хӯрока ба миқдори 6650 сомонӣ (орд 3 кг, биринҷ 3 кг, макарон 2 кг, гӯшт 2 кг, шакар 2 кг, равған 2 л) дастрас карда шуд.
Аз тарафи масҷидҳои ҷомеи шаҳр аз ҳисоби фитри рӯза иди қурбон аз ҷумла, масҷиди ҷомеи марказии «Шайх Маслиҳаддин» 23340 сомонӣ, масҷиди ҷомеи «Нури Ислом» 20403 сомонӣ,  масҷиди ҷомеи «Бобо-хӯҷа» 4174 сомонӣ, масҷиди ҷомеи «Ихлос» 4388 сомонӣ ва  масҷиди ҷомеи «Тақво» 1546 сомонӣ ба 646 оилаҳои камбизоат ва ятимону бепарасторон, Хонаи пиронсолон, мактаб-интернати ёрирасон, Хонаи кӯдакон, Маркази равонпизишки вилояти Суғд, комплекси кӯдакистони махсус барои кӯдакони қувваи босириашон суст ва нобиноён, беморхонаи сирояткунадаи шаҳр, Фонди хайриявии Президент ҶТ ва Фонди Маркази Исломии ҶТ дар маҷмуъ 54851 сомонӣ расонида шуд.
Назди бахш қабули муроҷиаткунандагон барои сафари ҳаҷ идома дошта, то ҳол шумораи муроҷиаткунандагоне, ки ба кайд гирифта шуданд 7765 нафарро ташкил медиҳанд. Танҳо дар давоми 9 моҳи соли 2016 365 нафар шаҳрванд муроҷиат намуд.
Бахши мазкур дар нӯҳ моҳи соли 2016 ҳамкориро бо воситаи ахбори умум идома бахшида зиёда аз 25 мақола дар рӯзномаҳои вилоятиву маҳаллӣ рӯи чоп овард. Аз ҷумла, дар рӯзномаҳои маҳаллии Тирози Ҷаҳон мақолаи “Ваҳдати исломӣ ё душмани ваҳдат” №4 аз 13.01.16, “Ифтихори миллии мо” №5 16.01.16, мақолаи “Талаботи қонун-маҳаки асосӣ” №13 аз 10.02.2016, мақолаи “Тандурустӣ-сармояи умри инсон” №14 аз 13.02.2016, ибтидо аз №15 аз 17.02.016 силсила иқтибос аз Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон”, мақолаи “Манзалати касбу ҳунар аз нигоҳи ислом” №18 аз 27.02.2016, мақолаи «Надомат бод, агар шукрат нагуй» №28 аз 06.04.2016, мақолаи «Хилофи мазҳаби худ фатво надиҳед!» №46 аз 08.06.2016 мақолаи “Терроризм аз ислом нест”  №49 аз 18.06.2016 гузориш аз “Мулоқот Раис бо зоирин шаҳри Хуҷанд” №67 аз 20.08.2016 нашр гардид. Дар ин муддат мудири бахши мазкур 2 маротиба дар барномаи  мустақими “Соати ҳуқуқӣ”-и телевизиони вилояти Суғд, барномаи “Набзи зиндагӣ” –и радиои “Шаҳри ман” доир ба татбиқи Қонуни Ҷумҳурии Тоҷикистон “Дар бораи танзими анъана ва ҷашну маросимҳои дар Ҷумҳурии Тоҷикистон” иштирок ва баромад намуда, ба суолҳои шаҳрвандон посухҳои мушаххас дод.

 

Мудири бахш                                                            М.Миркамолов

Муовинони Раиси шаҳр

Муҳаммадҷонзода М.Т. Муҳаммадҷонзода М.Т. Муовини раиси шаҳр.Муҳаммадҷонзода Маъруф Тӯхтабой. 29 июли соли 1962 дар шаҳри Хуҷанд таваллуд шудааст. Миллаташ тоҷик.Соли 1984 Институти ...
Бобозода Т.К. Бобозода Т.К. Роҳбари дастгоҳи Раиси шаҳри ХуҷандБобозода Толиб Карим санаи 1 августи соли 1968 дар шаҳри Хуҷанд таваллуд ёфтааст.Соҳиби маълумоти олӣ буд...
Солизода Р.Р. Солизода Р.Р. Муовини Раиси шаҳр Солизода Раҳим Рашидӣ бо қарори Раиси шаҳр таҳти №282 аз 2-июни соли 2016 муовини Раиси шаҳри Хуҷанд таъин гардид.Солизод...
Ғайбуллозода Х. Ғайбуллозода Х. Муовини аввали Раиси шаҳр Ғайбуллозода Хайрулло бо қарори Раиси шаҳр таҳти №281 аз 2 июни соли 2016 муовини якуми Раиси шаҳри Хуҷанд таъин ш...
Ҳошимзода Раъно Ҳошимзода Раъно Муовини Раиси шаҳр Ҳошимзода Раъно аз 6 феврали соли 2017 дар мансаби муовини Раиси шаҳри Хуҷанд кор мекунад. Ҳошимзода Раъно 29 октябри сол...

Роҳбарони сохторҳо

Дадобоева М. О. Дадобоева М. О. Дадобоева Муҳаёхон Обидшеховна 25 феврали соли 1966 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1990 Институт...
Ишонқулов Ғ. С. Ишонқулов Ғ. С. Ишонқулов Ғайрат Саидбекович 25 феврали соли 1981 дар ноҳияи Б.Ғафуров таваллуд шуда, миллаташ тоҷик, маълумот олӣ мебошад. Соли 2004 Донишг...
Каримов М.М. Каримов М.М. Каримов Мирзоқосим Мирзокаримович 17 сентябри соли 1984 дар шаҳри Хуҷанд дар оилаи зиёӣ таваллуд шудааст. Миллаташ тоҷик. Маълумоташ олӣ. Но...
Алимов У.С. Алимов У.С. Алимов Усмон Собирҷонович 20 майи соли 1958 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1979 Донишгоҳи давлат...
Дадоҷонов Ғ. Дадоҷонов Ғ. Дадоҷонов Ғафурҷон 11 июли соли 1954 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1977 Донишгоҳи хоҷагии қишло...
Қосимов Б.И. Қосимов Б.И. Қосимов Бахтиёр Иброҳимович 23 январи соли 1967 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1992 Институти да...
Ҷӯраева К.Я. Ҷӯраева К.Я. Ҷӯраева Кибриё Яҳёевна 9 сентябри соли 1966 дар ноҳияи Б.Ғафуров таваллуд шуда, миллаташ тоҷик, маълумот олӣ мебошад. Соли 1997 Донишгоҳи да...
Исматҷонов Б.Ҳ. Исматҷонов Б.Ҳ. ИСМАТҶОНОВ БАХТИЁР ҲУСЕЙНОВИЧ 31 майи соли 1982 дар шаҳри Хуҷанд таваллуд шудааст. Миллаташ тоҷик. Соли 2004 Донишгоҳи Давлатии Хуҷанд ба н...
Дадобоев М.М. Дадобоев М.М. Дадобоев Маҳмудҷон Мамадҷонович 27 ноябри соли  1968 дар шаҳри Хуҷанд, дар оилаи коргар таваллуд шудааст.Миллаташ тоҷик. Соли 1989 баъд аз ...
Миробидова М.М. Миробидова М.М. Миробидова Муаттар Мирмуҳамадовна 24 июни соли 1966 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1990 Донишгоҳ...
Миркамолов М. Н. Миркамолов М. Н. Миркамолов Муҳсин Насруллоевич 10 ноябри соли 1959 дар шаҳри Хуҷанд таваллуд шудааст. Миллаташ тоҷик, маълумоташ олӣ. Соли 1980 Донишгоҳи да...
Саидова М. У. Саидова М. У. Саидова Марҳабо Усмоновна 7 октябри соли 1963 дар шаҳри Хуҷанд таваллуд ёфтааст. Миллаташ тоҷик. Соли 1988 Донишкадаи текстили- технологии б...
Исоев А. А. Исоев А. А. Исоев Абдумубин Аскарович, 4 январи соли 1966 шаҳри Хуҷанд таваллуд ёфтааст. Миллаташ тоҷик. Соли 1987 Институти политехникии Тоҷикистон ва ...
Султонов И.И. Султонов И.И. Султонов Илҳом Иномович 9 сентябри соли 1979 дар шаҳри Хуҷанд таваллуд ёфтааст. Миллаташ тоҷик буда маълумоташ олӣ аст. Соли 2000 Донишгоҳи ...
Ҷамшед Набизода Ҷамшед Набизода Ҷамшед Набизода. 9 майи соли 1981 дар шаҳри шаҳри Хуҷанд таваллуд ёфтааст. Миллаташ тоҷик. Соли 2003 Донишгоҳи давлатии ҳуқуқ, бизнес ва сиё...
Бойматов Р. Р. Бойматов Р. Р. Бойматов Раҳимҷон Расулович. 20 июли соли 1978 дар шаҳри Хуҷанд таваллуд шудааст.Миллаташ тоҷик. Маълумоташ олӣ.Соли 2000 Донишгоҳи давлатии...
Абдуллоев М. Б. Абдуллоев М. Б. Абдуллоев Муҳидинхон Баҳоваддинович. 20 сентябри соли 1966 дар шаҳри Исфара таваллуд шудааст. Миллаташ тоҷик,  маълумоташ олӣ. Соли 2002 Дон...
Муҳаммадзода М. М. Муҳаммадзода М. М. Муҳаммадзода Мӯъмин Муҳаммад. 15 июни соли 1958  дарр   шаҳри Хуҷанд   таваллуд ёфтааст. Соли 1981 Институти политехникии Тоҷикистонро   бо...

Ташрифкунандагон

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз141
mod_vvisit_counterРӯзи гузашта539
mod_vvisit_counterҲамин ҳафта2901
mod_vvisit_counterҲафтаи гузашта3911
mod_vvisit_counterҲамин моҳ14769
mod_vvisit_counterМоҳи гузашта16050
mod_vvisit_counterҲамагӣ767441