(0 овоз, миёна 0 аз 5)

altРаиси вилояти Суғд Раҷаббой Аҳмадзода ва Раиси шаҳри Хуҷанд Маъруф Муҳаммадзода аз вазъи корҳои азнавсозии Маҷмааи “Қалъаи Хуҷанд” аз наздик шинос гардиданд.

Олимон, муаррихон, адибон ва масъулини сохтмони қалъа доир ба вазъи омодагии корҳои азнавсозӣ ба Раиси вилоят маълумоту машварат доданд.

Раҷаббой Аҳмадзода ба масъулин дастур дод, ки зимни таҷдиду азнавсозӣ аҳамияти таърихӣ ва қадимии «Қалъаи Хуҷанд» нигоҳ дошта шавад ва ҳамзамон барои осеб нарасидани моли таърих чораҳо андешида шаванд.

Ба муовини Раиси вилояти Суғд Анвар Яъқубӣ дастур дода шуд, ки назорати корҳо ҷиддӣ ба роҳ монда шавад ва кори муназзами сохтмончиён роҳандозӣ гардад.

Таъкид шуд, ки зимни азнавсозии қалъа бозори қадима, маҳаллаи ҳунармандон, наврӯзгоҳ, зиндон, ғор, саисхона, чойхона, манораҳо, хонаи пазироии ҳоким ва дигар арконҳои он ба назари эътибор гирифта шавад.

Амалишавии ин тадбир метавонад мақоми сайёҳии маркази вилоятро боз ҳам боло бардорад ва ба зиёд шудани сафи сайёҳони дохилию хориҷӣ мусоидат намояд.

Дафтари матбуоти
Раиси шаҳри Хуҷанд