13 Июн 2019

Баҳри амалӣ намудани Барномаи ташаккули тарзи ҳаёти солим ва яке аз самтҳои Консепсияи миллии тарбия дар Ҷумҳурии Тоҷикистон байни тарбиятгирандагони ширхоргоҳ-кӯдакистонҳои №5 ва №9-и шаҳри Хуҷанд мусобиқаи варзишии «Офарин» таҳти шиори «Мо кӯдакони хушбахтем» баргузор гардид.

Дар мусобиқаи варзишӣ ду даста, яке бо номи «Тобон»-тарбиятгирандагони кӯдакистони №5 ва дастаи дуюм бо номи «Рахшон»-тарбиятгирандагони кӯдакистони №9 бо ҳам қувваозмоӣ намуданд.

Иштирокдорони мусобиқа аз рӯйи шартҳои давидан аз байни монеаҳо дар шакли морпеч, ҷаҳиш аз ҳалқа бар ҳалқа, ҳалқача нишон гирифтан, болои тӯпи калон нишаста, ҷастан, ҳалқаҳоро аз болои худ гузаронидан ва ғайраҳоро бо маҳорати баланд ва завқи кӯдакона иҷро намуданд.

Дар натиҷаи қувваозмоӣ байни дастаҳои «Тобон» ва «Рахшон» бо даст овардани холҳои ягона дӯстӣ ғалаба намуд.

Ба ғолибон ва иштирокдорони мусобиқа туҳфаҳо тақдим карда шуд. Ҷараёни мусобиқаи варзишии «Офарин»-ро намояндаи шуъбаи маорифи шаҳри Хуҷанд Муҳаббат Нозимова ва маъмурияту мураббиёни кӯдакистонҳои №5 ва №9 мушоҳида намуданд.

Дафтари матбуоти
Раиси шаҳри Хуҷанд