14 Апрел 2019

Чанде лаҳза қабл дар пойтахти мамлакат-шаҳри Душанбе озмуни ҷумҳуриявии сайри "Сайри гули лола" баргузор ва ғолибон муайян карда шуд. Аз руйи натиҷаи баҳогузории ҳакамон шаҳри Хуҷанд дар миёни шаҳрҳои Тоҷикистон мақоми аввалро ба даст овард.

Ҳамчунин маҳаллаи "Бофанда"-и шаҳри Хуҷанд дар байни маҳаллаҳои шаҳр дар озмуни ҷумҳуриявии "Сайри гули лола" ва Боғи фарҳангию истироҳатии ба номи Камоли Хуҷандии шаҳри Хуҷанд дар миёни боғҳои шаҳру навоҳии мамлакат зинаи дуюмро соҳиб гардиданд. Вилояти Суғд низ дар ин озмун фаъолона иштирок намуда, дар байни вилоятҳо ҷойи дуюмро ишғол намуд.

Ин дастовардро ба тамоми мардуми заҳматпешаи шаҳр ва бахусус роҳбарони кордону меҳнатқарин ва серталаб Раиси вилояти Суғд Раҷаббой Аҳмадзода ва Раиси шаҳри Хуҷанд Маъруф Муҳаммадзода табрику таҳният мегӯем.

Ёдовар мешавем, ки соли ҷорӣ дар шаҳри Хуҷанд бори аввал беш аз 1 миллион дона лола шинонида шуд ва нахустин маротиба дар замони Истиқлолият бо шукуҳу шаҳомати хеш сокинон ва меҳмонони дохилию хориҷиро ба ваҷд овард.

Аҳсант ба гулкорону гулпарварони шаҳри бостонии Хуҷанд!

Дафтари матбуоти
Раиси шаҳри Хуҷанд