29 Июн 2015

Тибқи дастури Раиси шаҳри Хуҷанд Раҷаббой Аҳмадзода бахшида ба 18 солагии Рӯзи Ваҳдати миллӣ санаи 27 июн дар марказу боғҳои фароғатӣ ва мавзеҳои оммавии шаҳр чорабиниҳои идона доир гашт.
Чунин як чорабинӣ дар Боғи фарҳангӣ-фароғатии «Наврӯзгоҳ»-и маркази вилоят низ доир гардид.
Шоми ин рӯз ҷойи дӯстоштаи сокинони вилояти Суғд-«Наврӯзгоҳ» намуди идона дошта, сокинон бо руҳияи идона ба идҷой меомаданд.
Барои хушу хотирмон гузаштани ин рӯз ба сокинону меҳмонон шароити мусоид фароҳам оварда шуда буд. Мавзеҳои махсуси бозии кӯдакон ва шуғли калонсолон, қаҳвахонаҳои сайёр ба мардум омодаи хизматрасонӣ буданд.
Ба ҳозирон ҳамчунин барномаи адабӣ-фарҳангӣ аз ҷониби Бахши фарҳанги Мақомоти иҷроияи ҳокимияти давлатии шаҳри Хуҷанд пешкаш карда шуд. Дар консерт ҳунармандони ҷавон ва бо истеъдоди шаҳри Хуҷанд Олим Маҳмудов, Маҳками Баҳриддин, Рустам Макимов баромад намуда, ба ин чорабинии идонаи Ваҳдати миллӣ рангу мазмуни хоса бахшиданд.