Хуҷанд. 1 сентябр. Имрӯз 1-уми сентябр, Рӯзи Дониш дар ҳамаи мактабҳои олию миёнаи махсус ва таҳсилоти умумӣ бо садои занги аввалин соли нави таҳсили 2010-2011 оғоз меёбад.

Раиси шаҳри Хуҷанд Содиқҷон Мирхолиқов ба ин муносибат устодону шогирдон, кормандони маориф ва собиқадорони соҳаро муборакбод кард.

Хуҷанд. 20 август. Рӯзи гузашта дар толори маҷлисҳои мақомоти иҷроияи ҳокимияти давлатии шаҳри Хуҷанд Ситоди шаҳрӣ оид ба таҷлили ҷашни 19-солагии Истиқлолияти давлатии Ҷумҳурии Тоҷикистон таҳти раёсати роҳбари ситод муовини аввали Раиси шаҳр Иброҳимҷон Иброҳимов дар ҷаласаи навбатии худ ҷараёни омодагиҳоро ба ин санаи таърихӣ баррасӣ кард.

Хуҷанд. 20 август. Тибқи Қарори Ҳукумати Ҷумҳурии Тоҷикистон аз 19 маи соли 2009, рақами 523  «Дар бораи барӯйхатгирии аҳолӣ» аз 21 то 30 сентябри соли 2010 дар саросари ҷумҳурӣ барӯйхатгирии аҳолӣ ва фонди манзил гузаронида мешавад.

Дар шаҳри Хуҷанд то ба ин дам ҳамаи корҳои тайёрӣ ба ин маъракаи муҳими дорои аҳамияти иҷтимоӣ - аз ивази навиштаҷоти номи кӯчаҳо ва рақами ҳавливу хонаҳо сар карда, то барасмиятдарории ҳуҷҷатҳои марбут ба маърака саранҷом шудаанд.

Хуҷанд. 18 август. Имрӯз коркунони соҳаи нигаҳдории тандурустӣ иди касбии худ – Рӯзи кормандони тиб ва 1030 - солагии асосгузори тибби ҷаҳонӣ шайхурраис Абӯалӣ ибни Синоро таҷлил мекунанд.

Субҳи имрӯз ба ин муносибат дар маҷлисгоҳи мақомоти иҷроияи ҳокимияти давлатии шаҳри Хуҷанд ҷамъомади тантанавӣ баргузор гардид.

Хуҷанд. 16 август. Рӯзи гузашта  гурӯҳи синамогарони  тоҷику ҳинд бо сарварии директории киностудияи «Тоҷикфилм» Маҳмадсаид Пиров ва коргардони симо ва синамои ҳинд Президенти  Медиа Ассосиатсияи ҳиндустон хонум Нилуфар Шама  барои наворбардории филми ҳуҷҷатӣ ба Хуҷанд омаданд.

Онҳо тасмим гирифтаанд муштаракан дар бораи Тоҷикистон филме офаранд ва тавассути он зебоиҳои табиати кишвар, мавзеъҳои таърихӣ, дигарнуниҳои куллии ҳаёти иқтисодию иҷтимоӣ ва фарҳангии мамалакатро дар даврони  Истиқлол пешкаши ҷаҳониён гардонанд.

Хуҷанд. 14 август. Бо мақсади дастгирии моддии сокинон ва ба ифоқа овардани нархи бозор бо ибтикори мақомоти иҷроияи ҳокимияти давлатии вилояти Суғд дар моҳи шарифи Рамазон ҳар ҳафта рӯзи шанбе ярмарка – фурӯши маҳсулоти кишоварзӣ гузаронида мешавад.

Имрӯз чунин тадбир дар шаҳри Хуҷанд барпо гардид.