АсосӣБойгонӣ

Навгонӣ

Мулоқот бо Вазири корҳои хориҷии Ҷумҳурии Исломии Эрон Муҳаммад Ҷавод Зариф

09 Ноябр 2017

Дирӯз дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири корҳои хориҷии Ҷумҳурии Исломии Эрон Муҳаммад Ҷавод Зарифро, ки бо сафари корӣ дар Тоҷикистон қарор дорад, ба ҳузур пазируфтанд.
Дар ҷараёни мулоқот масоили ҳамкориҳои дуҷонибаи Тоҷикистон ва Эрон баррасӣ карда шуд.
Ҷонибҳо зимни мулоқот масъалаҳои муҳим, аз ҷумла татбиқи тавофуқоти қаблан ба даст омада, рушди ҳамкории иқтисодию тиҷоратӣ, сармоягузорӣ, энергетика, нақлиёт, кишоварзӣ ва саноатро мавриди баррасӣ қарор доданд.
Дар ин замина ҷонибҳо аҳамияти Ҷаласаи навбатии Комиссияи муштараки байниҳукуматӣ оид ба ҳамкориҳои тиҷоратӣ - иқтисодӣ ва фарҳангиро, ки рӯзҳои наздик дар шаҳри Душанбе баргузор мегардад, махсус таъкид карданд.

Муфассал... Шарҳ додан

Озмуни андоз: Хонандаи шаҳри Хуҷанд расми беҳтарин офарид

08 Ноябр 2017

Дар қасри фарҳанги «Суғдиён»-и шаҳри Хуҷанд даври ниҳоии озмуни вилоятии «Мафҳуми андоз аз нигоҳи хонандагон» доир гардид.
Дар қисмати расмии чорабинӣ сардори Раёсати андози вилоят Бахтиёр Султон ва сардори Раёсати маорифи вилоят Каримзода Осим Қосим суханронӣ намуда таъкид доштанд, ки ҳадафи асосии баргузории озмуни мазкур баланд бардоштани дониши ҳуқуқии хонандагон дар мавриди андоз ва андозбандӣ аст. Сипас, дар асоси хулосаҳои ҳайати ҳакамот ғолибон муайян гардиданд.
Дар бахши «Расми беҳтарин» ғолибиятро Аъзам Миркамолов, хонандаи синфи 5, МТМУ№28, шаҳри Хуҷанд ба даст овард. Ҷойи дуюмро Баҳтиёр Юлдошев, хонанда аз ноҳияи Ашт соҳиб шуд. Зевар Ҷумъабоева, хонанда аз шаҳри Бӯстон мақоми сеюмро касб намуд.

Муфассал... Шарҳ додан

Беҳтарин «Маркази таълимию истеҳсолии адрасбофӣ»-и шаҳри Хуҷанд муайян мешавад

(2 овоз, миёна 3.50 аз 5)

07 Ноябр 2017

Дар шаҳри Хуҷанд бо мақсади рушди соҳаи саноати сабук, аз ҷумла ривоҷу равнақ бахшидан ба истеҳсоли матои атлас ва адраси дастибоф, тарғиби сару либос аз матои табии аз ҷиҳати экологӣ безарар бо истифодаи услубҳои миллии дӯзандагӣ, рушди меҳнати хонагӣ, аз ҷумла гулдӯзӣ ва қуроқдӯзӣ, баланд бардоштани фарҳанги либоспӯшии миллӣ, зебоипарастӣ ва ғанӣ намудани ҳаёти маънавии занону бонувон озмуни шаҳрии «Маркази таълимию истеҳсолии адрасбофии беҳтарин» ташкил ва гузаронида мешавад.
Дар ин бора қарори дахлдори Раиси шаҳри Хуҷанд Маъруф Муҳаммадзода ба тавсиб расидааст. Озмуни мазкур бо фарогирии тамоми Марказҳои таълимию истеҳсолии адрасбофии минтақаҳои шаҳр моҳи ноябр дар ду давра гузаронида мешавад.
Гуфта мешавад, ки озмун аз рӯйи бахшҳои беҳтарин маркази таълимию истеҳсолии адрасбофӣ, маркази таълимию истеҳсолие, ки бештар матоъи дастибоф истеҳсол намудааст, маркази таълимию истеҳсолии хонагие, ки аз ҳама зиёд матоъи дастибоф истеҳсол намудааст, маркази таълимию истеҳсолие, ки аз шогирди зиёд омода намудааст, сифат ва нақши беҳтарин, ҳалли тобиш ва обуранги адраси дастибоф ҳар кадоме бо се ҷойӣ ифтихорӣ натиҷагирӣ карда мешаванд.

Муфассал... Шарҳ додан

Меҳта Пратибха: «Сокинони шаҳри Хуҷанд пурэнерҷӣ ҳастанд»

08 Ноябр 2017

Хонум Меҳта Пратибха намояндаи доимии Барномаи рушди СММ дар Тоҷикистон бо намояндагони ҳамоҳангсозони доимии СММ дар доираи сафараш ба шаҳри Хуҷанд ба литсейи физикӣ-математикии ба номи Муҳаммад Осимӣ ташриф оварда, бо хонандагони ин муассисаи номдори маркази вилояти Суғд мулоқот намуданд.
Хонум Меҳта Пратибха ба хонандагон доир ба Ҳадафҳои Рушди устувор, ки фарогирии 17 Барномаи СММ барои кишварҳои сайёра пешниҳод намудааст, аз ҷумла Барномаҳои «Барҳам задани кабизоатӣ», «Саломатӣ ва некӯаҳволӣ», «Маърифати босифат», «Баробарии гендерӣ», «Оби тоза ва беҳдошт», «Меҳнати сазовор ва рушди иқтисодӣ», «Саноатикунонӣ, иноватсия ва инфросохтор», «Шаҳру маҳаллаҳои устувор» ва ғайра маълумот дода, аз муҳассилин даъват ба амал овард, ки ҷиҳати иҷрои ин барномаҳо дар Тоҷикистон бо донишу заковати хеш ҳиссагузорӣ намоянд.

Муфассал... Шарҳ додан

Шавкат Шаропов: «Симои шаҳр ба куллӣ дигар шудааст»

07 Ноябр 2017

«Ҳар рӯзи шаҳр хусусан рӯзҳои охир ба куллӣ тағйир ёфта истодааст. Ин ба шаҳрвандон рӯҳу илҳоми тоза ва дилгармии хос ба зиндагиашон мебахшад»-мегӯяд сокини шаҳри Хуҷанд доктори илмҳои педагогӣ, профессор Шавкат Шаропов.
Профессор Шавкат Шаропов меафзояд, ки саҳму нақши сокинони шаҳр дар ободоии маҳалли зисташон чизи бисёр муҳим ва асосӣ аст. Мо бояд бетарафӣ накарда, барои тозаву озода нигоҳ доштани шаҳрамон аз хурду бузург сар карда, саҳмгузорӣ намоем. Дар вуҷуди сокинон меҳри шаҳрдӯстӣ, меҳнатдӯстӣ, меҳнатқадршиносӣ, маърифати шаҳрдорӣ ва ғайраҳоро тарбия намоем. Ва он гоҳ шаҳрамон ба «Тирози ҷаҳон»-и ҳақиқӣ мубаддал мегардад.
Воқеан ҳам бо иқдоми роҳбарияти Мақомоти иҷроияи ҳокимияти давлатии шаҳри Хуҷанд тайи як моҳ аст, ки рӯзҳои шанбе ва якшанбе дар пешоруйи ҷашнҳои бузурги миллат 23-юмин солгарди Конститутсияи Ҷумҳурии Тоҷикистон ва 25 солагии Иҷлосияи тақдирсоз аз ҷониби шаҳрвандон корҳои ободониву тозаву озода нигоҳ доштани шаҳр силсилакорҳо анҷом ёфта истодааст.