АсосӣБойгонӣ

Навгонӣ

Хуҷанд:содирот 66,7 дарсад афзуд

15 Ноябр 2017

Корхонаҳои саноатии шаҳр имсол ба хориҷи кишвар, хусусан мамлакатҳои узви Иттиҳоди Давлатҳои Мустақил, ба ҳаҷми қариб 190 миллион сомонӣ маҳсулот содир намуданд. Ин нишондоди баланд самари ташаббусҳои Ҳукумати кишвар дар самти рушди истеҳсоли ватанӣ буда, ҳадяи хубест ба Ҷашни 25 - солагии Иҷлосияи таърихии 16 - уми Шӯрои Олии Ҷумҳурии Тоҷикистон.
Ба гуфтаи Муъминҷон Муҳаммадзода, сардори шуъбаи саноат ва энергетикаи шаҳр, давоми даҳ моҳи соли ҷорӣ, новобаста аз таъсири манфии омилҳои беруна, шумораи корхонаҳои саноатии шаҳр ба 154 ва ҳаҷми умумии истеҳсол ба зиёда аз 779 миллион сомонӣ расид, ки нисбат ба ҳамин давраи соли гузашта 148, 4 миллион сомонӣ ё 23,5 дарсад бештар аст. Аз ин миқдор ба андозаи 189,2 миллион сомонӣ маҳсулот ба хориҷи кишвар содирот шудааст.

Муфассал... Шарҳ додан

Дидорбинии иштирокчии Иҷлосияи тақдирсоз

15 Ноябр 2017

Дар доираи нақшаи чорабиниҳои Кумитаи иҷроияи Ҳизби халқии демократии Тоҷикистон дар шаҳри Хуҷанд бахшида ба ҷашни 25 солагии Иҷлосияи 16- уми Шӯрои Олии Ҷумҳурии Тоҷикистон оид ба қадршиносии шахсоне, ки дар ибтидои солҳои навадуми асри гузашта ҷиҳати барқарор намудани сохти конститутсионӣ саҳми беандозаи худро гузоштанд ва имрӯз низ дар пешрафти соҳаҳаи гуногуни мамлакат кӯшиш ба харҷ дода истодаанд, чорабиниҳои дидорбиниву табрикотӣ роҳандозӣ гардида истодааст.
14 ноябри соли равон Раиси кумитаи иҷроияи ҲХДТ дар шаҳри Хуҷанд Маликисломӣ Наим Мунаввар ба хонаи иштирокчии Иҷлосияи 16-уми Шӯрои Олии Ҷумҳурии Тоҷикистон Абдуҳамид Ҷӯраев ташриф оварда, номбурдаро аз номи роҳбарияти олии ҲХДТ бо ин ҷашни бузургу тақдирсози миллат табрик намуд ва ба ӯ тӯҳфаи хотиравии Кумитаи иҷроияи ҲХДТ дар шаҳри Хуҷандро тақдим кард.

Муфассал... Шарҳ додан

МТИ «Зулфия Баҳриддинова Шоҳҷоиза ба даст овард

13 Ноябр 2017

Дар Маркази таълимӣ - истеҳсолии ба номи Зулфия Баҳриддинова озмуни шаҳрии “Маркази таълимию истеҳсолии адрасбофии беҳтарин” бо иштироки намояндагони мақомоти иҷроияи ҳокимияти давлатии вилояти Суғд, директори Муассисаи давлатии “Мактаби эҳё рушди атласу адрасбофии дастӣ ва дигар ҳунарҳои халқӣ” М. Ёқубӣ ва занони фаъоли маҳаллаҳои шаҳри Хуҷанд доир гардид. Нахуст қабл аз оғоз намудани озмуни мазкур аъзои ҳакамон аз марказҳои таълимии шаҳр дидан намуданд. Доварон ба фаъолияти марказҳои таълимию истеҳсолии адрасбофӣ аз рӯйи нишондиҳандаҳои беҳтарин дар самти истеҳсоли матоъи дастибоф, тайёр намудани шогирдон, сифат ва нақши беҳтарин, ҳалли тобиш ва обуранги адраси дастибоф ва ғайра баҳогузорӣ карданд.

Муфассал... Шарҳ додан

Таъиноти кадрӣ

13 Ноябр 2017

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар воҳидҳои сохторҳои низомӣ, ҳифзи ҳуқуқу тартибот ва Вазорати рушди иқтисод ва савдо тағйироти кадрӣ намуданд.

Бо Фармонҳои Президенти Ҷумҳурии Тоҷикистон Пиракзода Ҳикматулло - муовини якуми Фармондеҳи Қӯшунҳои сарҳадӣ-сардори Сарситоди Қӯшунҳои сарҳадии Кумитаи давлатии амнияти милии Ҷумҳурии Тоҷикистон ва Абдуллозода Нурулло Ҳамид - муовини Фармондеҳи Қӯшунҳои сарҳадии Кумитаи давлатии амнияти милии Ҷумҳурии Тоҷикистон таъин гардиданд.

Дар мувофиқа бо Президенти мамлакат сардорони Раёсатҳои Қӯшунҳои сарҳадии Ҷумҳурии Тоҷикистон дар Вилояти Мухтори Куҳистони Бадахшон, вилояти Хатлон, инчунин сардорони як қатор отрядҳои сарҳадии Қӯшунҳои сарҳадии Кумитаи давлатии амнияти милии Ҷумҳурии Тоҷикистон аз ҳисоби кадрҳои ҷавону корозмӯда ва мутахассисони варзидаи соҳа пурра гардиданд.

Муфассал... Шарҳ додан

Ғолибияти мактаби варзишии №1 дар Чемпионати Хуҷанд

13 Ноябр 2017

Бо ҳузури Раиси шаҳри Хуҷанд Маъруф Муҳаммадзода дар толори «Қасри варзиш» ба Чемпионати шаҳри Хуҷанд оид ба каратэ до бахшида Рӯзи Президенти Ҷумҳурии Тоҷикистон ва соли 2017 «Соли ҷавонон» ҳусни ифтитоҳ бахшида шуд.
Раиси шаҳр зимни баромади худ қайд кард, ки «Боиси сарфарозист, ки дар замони соҳибистиқлолии мамлакат бо ҳидояту раҳнамоиҳои Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон дар самти дастгирии ҷавонон ва варзиш тадбирҳои ҳадафманд андешида шуда, самтҳои гуногуни варзиш махсусан дар Соли ҷавонон басо равнақу ривоҷ ёфта истодааст. Тарғибу ташвиқи мақсадноки варзиш дар солҳои соҳибистиқлолии кишвар ба сатҳи даркорӣ ва муҳим расонида шуда, сокинони гуногунсинни шаҳри Хуҷанд бо он шуғли бештар ёфта, тарзи ҳаёти солимро пеш гирифтаанд.