АсосӣБойгонӣ

Навгонӣ

Шоҳиди зиндаи бедодии ҲНИТ

23 Ноябр 2017

Сӯҳбати ихтисосӣ бо Сияҳаков С.Ш. – яке аз раҳбарони САМНИТ (ниҳоди амниятии ИНОТ) дар солҳои 90-уми асри гузашта доир ба фаъолиятҳои муғризона ва тахрибкоронаи ҲНИТ дар солҳои ҷанги шаҳрвандӣ ва дахолати нерӯҳои хориҷӣ ба он.
Муҳтарам акои Сайҷалол, лутфан дар бораи шахсияти худ чанд ҷумла барои хонандаи мо бигӯед. Чӣ шуд, ки Шумо- ходими КГБ-и СССР бо оғози ҷанги шаҳрвандӣ ба ҷониби ИНОТ гузаштед?
Ман, Сияҳаков Сайҷалол Шашевич, 30-юми майи соли 1954 дар деҳаи Болшевики ноҳияи Қубодиён, дар оилаи деҳқон таваллуд шуда, мактаби миёнаро низ дар ҳамон маҳал хатм кардам. Муддате чанд (1976-1979) дар системаи комсомол кору фаъолият намуда, то вазифаи мудири шуъбаи ташкилӣ расидам.

Муфассал... Шарҳ додан

Оғози чорабиниҳо дар Мактаби Президентии шаҳри Хуҷанд

22 Ноябр 2017

Нахустин чорабинии тарбиявӣ бахшида ба Рӯзи Парчами Ҷумҳурии Тоҷикистон таҳти унвони «Парчамат бодо парафшон Тоҷикистон» дар мактаби навбунёди Президентӣ дар шаҳри Хуҷанд баргузор гардид.
Хонандагони мактаби Президентӣ бо хори умумӣ таҳти унвони «Яктои даврон» чорабиниро ифтитоҳ намуданд. Сипас муҳассилин роҷеъ ба рамзҳои давлатӣ шеърҳо қироат карданд. Аз ҷониби Меҳрафрӯз Маликзода рақси мавзун иҷро карда шуд. Ғолиби озмуни «Ровии беҳтарин» Рухсораи Ҷавоҳир шеъри «Ҷавонӣ»-и Озарахшро бо маҳорати баланди суханварӣ қироат намуд.
Раъно Ҳошимзода, муовини Раиси шаҳри Хуҷанд назди ҳозирин баромад намуда, зикр дошт, ки дар мактаби Президентии шаҳри Хуҷанд чорабинии нахустин дар мавзуъи ватандӯстӣ, хештаншиносӣ таҳия гардид, ки ин ҷавобан ба ғамхориҳои Давлату Ҳукумат, хусусан ба хидматҳои Асосгузори сулҳу Ваҳдати миллӣ-Пешвои миллат Президенти мамлакат мӯҳтарам Эмомалӣ Раҳмон ҷиҳати бунёди чунин муассисаи таълимии замонавӣ мебошад.

Муфассал... Шарҳ додан

Омодагӣ ба Рӯзи Парчами миллӣ

21 Ноябр 2017

Санаи 24 –уми ноябри соли равон дар шаҳри Хуҷанд Рӯзи Парчами миллӣ бо иштироки сокинони шаҳр, аз ҷумла хонандагону донишҷӯён ботантана ҷашн гирифта мешавад. Дар ин хусус қарору нақша-чорабиниҳои дахлдори Мақомоти иҷроияи ҳокимияти давлатии шаҳр ба тавсиб расидааст.
Тибқи нақша чорабиниҳо қарор аст, ки то баргузории Рӯзи Парчами миллӣ дар донишгоҳҳои мустақари шаҳри Хуҷанд конфронсҳои илмӣ-назариявӣ таҳти унвони «Парчами давлатӣ-рамзи ифтихори миллӣ», мулоқоту вохӯриҳо бо ҳомиёни сохти конститутсионӣ дар қисмҳои ҳарбӣ, гузаронидани Рӯзи ягонаи ахбори сиёсӣ дар мавзуъи «Эҳтироми рамзҳои давлатӣ-эҳтироми миллат аст» дар кумитаи маҳаллаҳо, ташкилоту идораҳо ва муассисаҳои маорифу тандурустии шаҳр, нашру пахши мақолаву барномаҳо доир ба арҷгузорӣ ба Парчами миллӣ, ташкил ва баргузории озмуни «Иншои беҳтарин» дар мавзуъи «Парчам-рамзи давлатдории миллист» ва ғайраҳо пешбинӣ шудааст.

Муфассал... Шарҳ додан

Дави миллӣ, марофони велосипедронӣ ва машқи дастҷамъонаи пагоҳирӯзӣ…

22 Ноябр 2017

Бо мақсади пуршукӯҳ ҷашни гирифтани Рӯзи Парчами давлатии Ҷумҳурии Тоҷикистон бо иқдоми Мақомоти иҷроияи ҳокимияти давлатии шаҳри Хуҷанд маҷмӯъи чорабиниҳо, аз ҷумла машқи дастҷамъонаи пагоҳирӯзӣ, марофони велосипедронӣ ва дави миллӣ бо ҷалби бештари сокинони маркази вилояти Суғд гузаронида мешавад.
Ҳамин тавр, санаи 23-юми ноябри соли равон, соати 14:00 дави миллӣ бо иштироки беш аз 15 ҳазор нафар ва марафони велосипедронӣ бо ҷалби 2000 нафар аз маҷмааи «Истиқлол» то маҳаллаи 3-юми шаҳр ташкил ва гузаронида мешавад.
Машқи дастҷамъонаи пагоҳирӯзӣ субҳи 24-уми ноябри соли равон дар майдони Парчами миллӣ бо мақсади роҳандозии тарзи ҳаёти солим баргузор мешавад.

Муфассал... Шарҳ додан

Қабули эътимоднома аз 7 сафири нав

21 Ноябр 2017

Имрӯз дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 7 сафири навтаъиншудаи кишварҳои хориҷ эътимоднома қабул намуданд.

Зимни маросими эътимодномасупорӣ ба Президенти Ҷумҳурии Тоҷикистон муҳтарам Эмомалӣ Раҳмон сафирони фавқулодда ва мухтори Ҷумҳурии Муғулистон Лувсан Баттулга, Ҷумҳурии Индонезия Раҳмат Прамоно, Амороти Муттаҳидаи Араб Муҳаммад Аҳмад Султон Иссо Ал-Ҷобир, Шоҳигарии Марокаш Абдулҷалил Саубрӣ, Ҷумҳурии Африқои Ҷанубӣ хонум Кейтуметси Тандека Метюс, Ҷумҳурии Кипр Леонидас Маркидес ва Давлати Исроил Эдуард Шапиро эътимодномаҳои худро бо паёму дуруд аз роҳбарияти кишварҳои хеш тақдим карданд.

Муфассал... Шарҳ додан