08 Апрель 2026
Недоступен ни однин перевод.
Бо мақсади сазовор истиқбол гирифтани ҷашни бузурги миллӣ — 35-солагии Истиқлоли давлатии Ҷумҳурии Тоҷикистон, тибқи нақшаи Кумитаи иҷроияи ҲХДТ дар шаҳри Хуҷанд дар ҳамкорӣ бо ТҶҶ “Созандагони Ватан” ва бо иштироки фаъолонаи аъзои мактаби “Лидерони ҷавон” аксияи ватандӯстона таҳти унвони “Парчами ифтихор дар ҳар хона” роҳандозӣ гардид.
Дар доираи ин иқдом, ҷавонон ба кӯчаву хиёбонҳо ва маҳаллаҳои шаҳр баромада, парчамҳои давлатии Ҷумҳурии Тоҷикистонро насб намуданд. Ҳамзамон, сокинон бо рӯҳияи баланди ватандӯстӣ ба ин ташаббус ҳамраъйӣ намуда, парчамҳоро дар назди хонаҳои худ овехтанд.
Ҳадафи асосии аксия баланд бардоштани ҳисси худшиносии миллӣ, эҳтиром ба муқаддасоти давлатӣ ва таҳкими рӯҳияи ватандӯстӣ миёни ҷавонон ва аҳолӣ мебошад.
Зикр гардид, ки чунин иқдомҳо дар таҳкими ваҳдати миллӣ ва арҷгузорӣ ба арзишҳои давлатӣ нақши муҳим дошта, ҳар як шаҳрванди кишварро ба дӯст доштани Ватан ва ифтихор аз рамзҳои миллӣ раҳнамоӣ мекунанд.
Иштирокчиён изҳор доштанд, ки бо ҳисси баланди масъулият ва ифтихор дар чунин чорабиниҳо ширкат варзида, саҳми худро дар ободии Ватан мегузоранд.
