25 Июл 2025
Ҳамасола шурӯъ аз фасли тобистон ҳамаи гуруххои синнусолӣ тибқи нақшаи тақвимӣ ба давраи солимгардонӣ гузаронида мешаванд. Дар гуруҳҳо чорабиниҳои гуногуни обутобдиҳӣ ва солимгардонӣ ба монанди обутобдиҳии бадан, варзиш, обутобдиҳии дасту пойҳо, регбозӣ, оббозӣ, машғулиятҳо дар ҳавои кушод, сайругашт гузаронида мешавад, ки ба инкишофи ҷисмонӣ ва тандурустии кӯдакон мусоидат мекунад.
Дар ин давра ба ҳамаи кудакон наҳории дуюм, яъне меваҳои тару тоза дар ҳавои кушод ташкил карда мешавад. Инчунин чорабиниҳои варзишӣ-бадеъӣ баҳри солиму бардам ва ҳушёру зирак ба воя расидани насли наврас ташкил ва гузаронида мешавад.
Имрӯз чунин чорабиниҳо дар кӯдакистони №16-и шаҳри Хуҷанд аз ҷониби маъмурият ва муарббияҳо ба таври зарурӣ ва дар сатҳи баланд ташкил карда шуд.
Таъкид гардид, ки солимии кӯдакон яке аз рукнҳои асосии ҳар як ҷомеаи пешрафта аст. Дар асри рушди босуръати технология ва ҳаёти сустҳаракат, машқҳои ҷисмонӣ ҳамчун воситаи асосии пешгирӣ аз бемориҳо ва тарбияи насли солим ба назар мерасанд. Ҳамон тавре ки Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон, таъкид мекунанд: «Тарбияи солим ва фаъоли кӯдакон асоси иқтидори миллӣ ва рушди ҷовидони кишвар аст. Мо бояд барои таъмини фазоҳои мусоид барои рушди ҳамаҷиҳатии насли наврас ҳамаҷониба кӯшиш кунем».
Ин суханҳо на танҳо барои муррабияҳо ва волидон, балки барои ҳамаи ҷомеа дастури амалӣ мебошанд.
Машқҳои мунтазам ба таҳкими мушакҳо, устухонбандӣ ва кори дилу раг мусоидат мекунанд. Кӯдаконе, ки фаъолияти ҷисмониашон зиёд аст, қобилияти беҳтари ҳаракат, мувозинат ва тобоварӣ доранд. Бозиҳои фаъол ба кӯдакон ёрӣ мерасонанд, ки тафаккури бомантиқ, ҳалли мушкилот ва идоракунии эҳсосотро омӯзанд.
Бозиҳои гурӯҳӣ ба кӯдакон имконият медиҳанд, ки бо ҳамкорию эҳсоси масъулият шинос шаванд.
Дафтари матбуоти
Раиси шаҳри Хуҷанд
