30 Апрель 2025
Недоступен ни однин перевод.
Дар МТМУ №19 –и даври дуюми озмуни шаҳрии “Хонандаи сол-2025” баргузор гардид. Таъкид гардид, ки ҳадафи асосии озмун рушди тафаккури хонандагон ҷалби бештари хонандагон ба омўзиши фанҳои ҷамъияти-гуманитарӣ, риёзӣ, дақиқ ва табиӣ ҳамчунин дарёфт ва муаррифии истеъдодҳои нав дар ин самт ба натиҷа ва дастовардҳои назаррас ноил гадидан аст.
Асосгузори сулҳу ваҳдати миллӣ, Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ба масъалаи мактабу маориф таваҷҷуҳи хоса зоҳир менамоянд.
Дар ҳақиқат тарбиятгирандагони муассисаҳои таълимӣ наслҳои ояндасози миллат, инсонҳои соҳибназару равшанзамир ҳастанд ва барои камолоти маънавӣ кўшиш ба харҷ медиҳанд.
Ҳамасола бо мақсади амалишавии «Барномаи давлатии дарёфт ва рушди истеъдодҳо барои солҳои 2021-2025» дарёфти хонандагони болаёқат, худогоҳу хештаншинос, озмуни «Хонандаи сол» баргузор карда мешавад.
Иттилоъ дода шуд, ки Дар давраҳои қаблии озмун 1006 нафар толибилмони муассисаҳои таълимии шаҳри Хуҷанд ширкат варзида, ба даври дуюми он 50 нафар роҳат гирифтанд. Довталабон донишу истеъдод ва маҳорати хешро аз рӯи шартҳои: навиштани эссе, тест, маҳорати сухандонӣ, муаррифӣ ва истеъдод намоиш доданд.
Мудири шуъбаи маорифи шаҳр Шаҳноза Мақсудзода аз раванди баргузории озмун шинос гардида, таъкид дошт, ки баргузор шудани чунин озмунҳо муаррифии истеъдодҳои нав, ташаккури рушди қобилияти муҳассилин, ҳавасмандии онҳо мусоидат менамояд.
Сипас, ҳайати ҳакамон ба донишу истеъдоди довталабон баҳои арзанда доданд ва дар натиҷа 6 нафар ғолибони даври ниҳоии озмуни шаҳрии “Хонандаи сол” муайян ва онҳо ба даври минбаъда роҳхат гирифтанд.
Дафтари матбуоти
Раиси шаҳри Хуҷанд
