Машварат: «Нақши фаъолияти маҳфилҳо дар тарбияи хонандагон»

Муқим Болтуев, мушовири шуъбаи маорифи шаҳри Хуҷанд ҷаласаро оғоз намуда, ҳозиронро бо рӯзномаи он ошно сохт.

Сипас, директори МТМУ №16-и шаҳри Хуҷанд Фарҳод Ғанизода дар мавзуъи «Нақши фаъолияти маҳфилҳо дар тарбияи хонандагон» баромад намуд. Таъкид шуд, ки маҳфил - хамчун шакли таълими иловагии хонандагон ҳамеша дар мавқеи аввалиндараҷаи омӯзгорон мебошад. Ин кор на фақат ҳавасмандии иловагии хонандагон барои ба даст овардани малакаҳои гуногун мебошад, балки барои васеъ намудани ҷаҳонбинии онҳо, ба даст овардани донишҳои нав ва пурсамар гузарондани вақти холигии онҳо ёрӣ мерасонад. Дар муассиса — маҳфилҳои илмӣ, амалӣ ва варзишӣ, ки бо мақсади васеъ ва амиқ гардонидани донишу маҳоратӣ хонандагон аз рӯи фанҳои гуногун, инкишоф додани шавқу ҳаваси онҳо ба илмомӯзӣ, инкишофи қобилияти эҷодии хонандагон мусоидат мекунанд, маҳорати кори мустақилона ва тадқиқотии онҳоро ташаккул медиҳанд. Бо ин мақсад дар муассисаи таълимӣ, баҳри баланд бардоштани сатҳу сифати донишазхудкунии хонандагон даҳ маҳфилҳои фаннӣ ташкил карда шудааст, ки дар он 10 нафар омӯзгорони эҷодкор дарс мегӯянд. Маҳфилҳо аз рӯи ҷадвали тасдиқшуда, ҳафтае ду маротиба ба роҳ монда шудааст. Натиҷаҳо нишондод, ки иштирокчиёни маҳфил дар ҳамагуна озмуну олимпиадаҳо маҳорати худро нишондода ҷойҳои намоёнро ишғол намуда истодаанд. Тасдиқи ин гуфтаҳо танҳо соли хониши гузашта иштирокчиёни маҳфил дар олимпиадаи шаҳри 18 ҷои ифтихориро сазовор гашта аз онҳо 5 нафарашон ғолиби олимпиадаи ҷумуриявӣ гаштанд.Ҳамзамон дар маҳфил низ хонандагони сустхон ва диққатҷалбкунанда ҷалб гардида иштироки онҳо низ дар озмуни мусобиқаҳои варзиши назаррас мебошад. Маҳз бо иштироки чунин хонандагон соли таҳсили гузашта, дар мусобиқаи футбол дар миқёси шаҳр дар ҳамаи намуди синну сол ҷои 2-ро созовор гаштанд. Ҳамзамон иштироки фаъолонаи онҳо дар мусобиқаи волейбол, баскетбол ва озмуни техникони наврас назаррас буд. Лозим ба ёдоварист, ки дар муассисаи таълимӣ аз тарафи омӯзгори тарбияи ҷисмонӣ Абдусаид Домуллоҷонов маҳфили “Футболбозони ҷавон” ташкил карда шуда, ҳамзамон бо ибтикори бахши кор бо ҷавонон ва варзиш маҳфили “Карате-до” ташкил карда шудааст.

Зикр шуд, ки яке аз мақсадҳои ҷалб намудани хонандагон ба маҳфилҳои гуногун ин тарбияи хуб гирифтан ва пас аз бо ягон шуғл банд будани хонанда мебошад. Зеро ҳар яки мо медонем, ки бисёр ҳолатҳои даст ба ҷиноят задани ноболиғон аз ҳисоби беназоратӣ ва бекор мондани онҳо мебошад.

Омӯзгорон бояд савияи дониши хонандагонро дар маҳфилҳо аз рӯи китобҳои дарсӣ ва супоришҳо аз адабиётҳои иловагӣ муайян намуда, завқу шавқи онҳоро бо машғулиятҳои беруназсинфӣ бедор кардан мумкин аст. Омӯзгорони муассисаи таълимӣ барои хонандагон аз усулҳои гуногуни таълим васеъ истифода бурда, баҳри баланд бардоштан ва сайқал додани дониши хонандагон кӯшиши зиёд доранд. Бояд дар маврид гуфтан лозим аст, ки баъди ташкил намудани маҳфилҳои гуногун дар муассиса аз солҳои пештара шумораи хонандагони сустхон хеле кам мебошад.

Аз ин лиҳоз дар муассисаи таълими самти тарбияи хонандагон дар мадди аввал гузошта шуда, фаъолияти маҳфилҳо ҳамарӯза зери назорат буда, ҳамзамон барои боз ҳам хубтару беҳтар тарбия намудани хонандагон аз ҳисоби хонандагони синфҳои болои дар як моҳ як маротиба соати тарбиявии умуми мактабӣ дар толори муассиса гузаронида мешавад. Дар соати тарбиявии умумимактаби мавзӯъҳои эҳтироми волидайн, арҷгузоштан ба Ватан, дасти ёри расонидан ба мӯҳтоҷон ва ҳамзамон иззату эҳтироми омузгорро ба ҷо овардан, наворҳо намоиш дода мавриди муҳокима қарор дода мешавад.

Сипас, доир ба мавзуи матраҳшуда байни сарварони муассисаҳои таълимӣ мубодилаи афкор сурат гирифт.

Саварони муассисаҳои таълимӣ ҳамзамон 6 дарсҳои хисоботӣ, ки ҳар як дарс 7-8 дақиқаро дар бар гирифта, дар умум 45 дақиқаро ташкил намуда бо хонандагони синфи 11А –и равияи табии математикӣ баргузор гардид, мушоҳида намуда, ба чунин тарзи машғулиятгузаронӣ баҳои баланд доданд.