27 Сентябр 2014
Раиси шаҳри Хуҷанд Раҷаббой Аҳмадзода ба мавзеи баргузории ярмарка-фурӯш омада, аз маҳсулоти пешниҳод шуда, нарху сифати хизматрасонии фурӯшандагон ошно гардид.
Аз ҷониби Раиси шаҳри Хуҷанд ба фурӯшандагон тавсия дода шуд,ки минбаъд низ дар рузхои муқарраргардида маҳсулоти худро бо нархҳои дастрас ва нисбатан арзон манзури сокинони маркази вилоят намоянд. Деҳконону кишоварзони шаҳри Истаравшан, ноҳияҳои Ғончӣ, Шаҳристон, ва Б.Ғафуров ва Агентии захираҳои давлатӣ аз субҳи барвакт маводи худро аз қабили орду биринҷ, картошка,сабзӣ, тарбузу харбуз, пиёз ва дигар маҳсулоти мевагию полезӣ бо нарҳои то 30 фоиз арзон нисбат аз бозорҳои шаҳр ба шаҳрвандон манзур намуданд.
Умуман дар ярмарка-фурӯш 6 тонна орд, 2 тонна гӯшт, 600 кг биринҷ, 10,5 тонна картошка, 10 тонна пиёз, 1,5 тонна сабзӣ, 1,5 тонна маҳсулоти лӯбиёгӣ, 500 кг ангур ва 2 тонна маҳсулотҳои дигари хӯрока пешкаш гардид.