09 Июл 2014
Назар ба маълумоти оморӣ дар нимсолаи авали соли равон дар шаҳри Хуҷанд саноат пайваста пеш меравад.
Дар шашмоҳаи аввали соли 2014 дар шаҳри Хуҷанд 14 корхонаҳои саноатии нав ба фаъолият оғоз намуданд.
Дар давоми моҳҳои январ – июни соли 2014 бошад, ҳаҷми истеҳсоли маҳсулоти саноатӣ бо назардошти тақсимоти қувваи барқ, тақсимоти газ, истеҳсол ва тақсимоти об 231,8 миллион сомониро ташкил намуд, ки вусъати афзоиш нисбати соли гузашта 122,5% иҷро гардид, ки ба маблағи 41,3 миллион сомонӣ маҳсулот зиёд истеҳсол шуд. Аз 93 корхонаҳои саноати 75 корхона (80,6%) вусъати афзоишро нисбати ҳамин давраи соли гузашта таъмин намуданд.
Дар моҳҳои январ – июни соли 2014 матои пахтагини дурушт – 3047,7 ҳаз.м.кв, маҳсулоти дӯхта – 49,9 млн. сомонӣ. Маҳсулотҳо ба монанди: нон ва маҳсулоти нони – 7526,7 тонна, маҳсулоти шири -341,0 тонна, маҳсулоти макарони – 121,3 тонна, спирти хом (этилӣ)- 3733,0 дал, маҳсулоти қаннодӣ – 1309,9 тонна ва дигарон.
Бояд қайд намуд, ки фаъолияти корхонаҳои хурд дар моҳҳои январ – июни соли 2014 низ назаррас мебошад. Ё ин ки аз тарафи корхонаҳои хурд ва сектори хусусӣ ба маблағи 117,4 млн. сомонӣ маҳсулот истеҳсол карда шуд ки, вусъати афзоиш ба 128,3% расонида шуд.
Яке аз самтҳои асосии фаъолияти мақомоти иҷроияи ҳокимияти давлатии шаҳр ин бунёди корхонаҳои нав мебошад.
Дар моҳи апрели соли 2014 бо иштироки Президенти Ҷумҳурии Тоҷикистон, Ҷаноби Олӣ мӯҳтарам Эмомалӣ Раҳмон ду корхонаи саноатӣ аз ҷумла ҶДММ «Афзали Суғд» ва Маркази таълими истеҳсоли «Шероз» кушода шуда ба истифода дода шуд, ки 250 нафар шаҳрвандон бо ҷойи корӣ доимӣ таъмин шуданд.
Номгӯи намуди маҳсулотҳои истеҳсолшаванда низ зиёд шуданд, ки ба онҳо профилҳои алюминӣ, сарпӯш барои бонка, ранги акрелӣ, сим, қурти барои партов, коркарди зарфҳои полиэтиленӣ, мех ва масолеҳи оҳану бетонӣ, ки ба давлатҳои муштараку манофеъ содир карда мешаванд. Аз ин ҳисоб шумораи корхонаҳои саноатии молсодироткунанда зиёд шуда истодаанд.
Ҳоло сохтмони якчанд корхонаҳои истеҳсолии саноатӣ оғоз гардидааст, ки ин коргоҳҳо бо таҷҳизотҳои истифодаи нерӯи барқашон каммасраф таҷҳизонида мешаванд. Фаъолияти ин коргоҳҳо бо технологияи нави муосир ба роҳ монда мешаванд. Дар якчанд корхонаҳо соли ҷорӣ таҷҳизотҳои навъи муосир васл карда шуд. Аз ҷумла таҷҳизоти истеҳсоли профилҳои алюминӣ аз ашёи хоми маҳаллӣ, коркарди чӯб барои истеҳсоли дару тирезаҳо ва дар дигар корхонаҳои хӯрока ва ғайри хӯрока низ модернизатсияи таҷҳизотҳо гузаронида шуд.
Дар моҳҳои январ – июни соли 2014 ба миқдори – 1375,5 тн нахи пахта коркард карда шуд.
Аз ҳисоби корхонаҳои нав таъсис дода шуда дар ҳудуди шаҳр зиёда аз 635 нафар шаҳрвандони вилоят ва шаҳр бо ҷои нави корӣ таъмин карда шуданд.
Барои омӯзиши маркетинги бозорҳои хориҷӣ, пайдо намудани ҳамкорӣ бо давлатҳои хориҷӣ, пешниҳоди маҳсулоти саноатии ватанӣ ба хориҷи кишвар, васеъ намудани бозори фурӯши маҳсулоти саноатӣ ва зиёд намудани маҳсулоти содиротӣ ба давлатҳои дуру наздик коргоҳҳои саноатии шаҳр дар намоишгоҳҳои байналхалқӣ дар кишварҳои Фаронса, Итолиё, Олмон, Руссия, Чин ва дигар давлатҳои хориҷӣ иштирок намуда, барои ба имзо расондани шартномаҳо, воридоти технологияи нав, таъсиси корхонаҳои муштарак чораҳои амалӣ андешида мешаванд.
Музди маоши миёнаи кормандони соҳаи саноат дар давоми 5 моҳи соли 2014 – 814,85 сомониро ташкил намуд, ки нисбати соли гузашта ба маблағи 98,48 сомонӣ зиёд мебошад.
Масъалаҳое, ки дар маҷлиси машваратии назди Раиси шаҳр, баррасӣ мешаванд оиди амали гардонидани дастуру супоришҳои Президенти Чумхурии Тоҷикистон сари вақт иҷро шуда истодааст. Аз ҷумла оиди таъмини мунтазами корхонаҳо бо барқ, баланд бардоштани музди меҳнат, таъсиси ҷойхои нави корӣ, вориди технологияҳои нав ва истеҳсоли намудҳои нави маҳсулоти саноатӣ аз тарафи бахш корбари рафта истодааст.
Дар стратегияи рушди кишвар афзалияти бештар ба рушди соҳаи энергетика дода шудааст. Дар ин ҷода агар аз як тараф бунёди нерӯгоҳҳои хурду миёна, таъмиру таҷдиди иншооти гидроэнергетикӣ ва барқарорсозии иқтидори онҳо нақши муассир дошта бошанд, аз дигар тараф ба роҳ мондани истифодаи оқилонаву сарфакоронаи захираҳои энергетикӣ аҳамияти рӯзафзун дорад.
Дар давраи ҳисоботӣ мувофиқи маълумоти идораҳои фурӯши барқ аз тарафи шабақаҳои барқи шаҳр ба миқдори 307,2 миллион кВт/соат нерӯи барқ интиқол карда шуд. Маблағи пардохти умумии он 36,2 миллион сомонӣ, ё 95,9 фоиз, аз ҷумла пардохти он аз тарафи аҳолӣ 15,9 миллион сомонӣ, 92,6 фоизро ташкил дод.
Бо максади рушди минбаъдаи соҳаи саноат, зиёд намудани ҳаҷми истеҳсоли маҳсулоти саноатӣ, таъсиси ҷойҳои нави корӣ, ҷалби сармояи хориҷӣ ва дохилӣ, истифодаи ниҳоии ашёи хоми маҳаллӣ, истеҳсоли маҳсулоти ба стандарти ҷаҳони ҷавобгӯ буд ва ба кор андохтани иқтидорҳои бозистода, дар таҳти назорати доимӣ қарор дорад.
Айни замон 13 корхонаҳои Хуҷанд иҷроиши нақшаро таъмин карда натавонистанд. Нишондиҳандаҳои аз ҳама ташвишовар дар ҶС «Комбинати консервабарори» бо 38,9%, «Атласи Хуҷанд» бо 5,2%, ҶДММ «Нонпази Хуҷанд» бо 23,7%, ҶДММ «Реал» бо 51,4% ва дар ҶСП «Сомон Суғд»бо 43,2% ҳаҷми истеҳсолот нимсоларо ҷамбаст намуданд. Ин боис шуд, ки дар мӯхлати нишондодашуда ба маблағи 6,4 миллион сомонӣ истеҳсоли маҳсулот кам шуд.
Пешибинӣ шудааст,ки барои зиёд намудани ҳаҷми маҳсулот фароҳам овардани имконият барои ҷойҳои нави корӣ Мақомоти иҷроияи ҳокимияти давлатии шаҳри Хуҷанд нақшаю тадбирҳои мушаххаси боз хам таҳким бахшидани соҳаи саноатро дорад.
