12 Декабр 2019
Дар толори меҳмонхонаи «Суғдиён»-и шаҳри Хуҷанд озмуни шаҳрӣ барои беҳтарин маводи журналистӣ таҳти унвони «16 рўзи мубориза алайҳи хушунат» натиҷагирӣ ва ҳамчунин ба шунавандагони курси “Мактаби сарварӣ” Гувоҳномаи Мақомоти иҷрои ҳокимияти давлатии шаҳри Хуҷанд тақдим карда шуд.
Чорабиниро Фирӯза Нуруллозода муовини Раиси шаҳри Хуҷанд ифтититоҳ намуда, аз ҷумла таъкид дошт, ки баланд бардоштани мақоми зан дар ҷомеа, ҷалби занон ба ҳаёти сиёсӣ, тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони лаёқатманд, ба касбомӯзиву шущли доимӣ фаро гирифта шудани онҳо дар меҳвари асосии сиёсати имрӯзаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон қарор дода шудааст.
Сиёсати Ҷумҳурии Тоҷикистон дар даврони истиқлолият ба ҳаёти занон таъсири амиқи худро гузошт. Соҳибистиқлолӣ чунин муҳитеро фароҳам овард, ки ҳар як фард бахусус занон имконияти муфиди худсозию худмуаррифиро дар ҷомеа ба даст оварда, дарк намуданд, ки онҳо низ ҳамчун як қувваи бузурги созанда метавонанд саҳми худро дар бунёд ва таҳкими пояҳои давлатдории миллӣ гузоранд, рисолати ватандориро бо тамоми вуҷуди худ эҳсос ва дарк намоянд.
Интишори Фармони Президенти Ҷумҳурии Тоҷикистон «Дар бораи тадбирҳои баланд бардоштани мақоми зан дар ҷомеа», ки мо соли ҷорӣ 20-умин солгарди онро ҷашн гирифта истодаем, ҳуҷҷати сарнавиштсозу муҳимест, ки ҳамчун роҳнамо барои таҳия ва қабули даҳҳо санадҳои ҳуқуқии дигар асос гузошт.
Фирӯза Нуруллозода гуфт, ки дар ҷаҳони муосир зўроварӣ дар оила зуҳуроти паҳнгашта буда, бартараф намудани он масъалаи муҳими иҷтимоӣ арзёбӣ мегардад. Мушкилоти зўроварӣ дар оила яке аз мушкилоти мубрами ҷахонӣ имрўза мебошад. Зўроварӣ дар оила кирдори паҳншуда ва хавфноке дар муҳити оилавӣ ба шумор меравад, ки ҳуқуқу озодиҳои аъзои дигари оиларо дағалона вайрон намуда, дар баъзе мавридҳо ба барҳамхурии оилаҳо ва худкушии ҷабрдидагон оварда мерасонад. Ҳеҷ кас аз ин кирдор истисно набуда, ҷабрдидаи зўроварӣ дар оила метавонад зан, мард, кўдак ё аъзои дигари оила бошад.
Фирӯза Нуруллозода дар анҷоми суханронии худ таъкид дошт, ки мушкилоти зўроварӣ дар оила яке аз мушкилоти мубрами ҷахонӣ имрўза мебошад. Зўроварӣ дар оила кирдори паҳншуда ва хавфноке дар муҳити оилавӣ ба шумор меравад, ки ҳуқуқу озодиҳои аъзои дигари оиларо дағалона вайрон намуда, дар баъзе мавридҳо ба барҳамхурии оилаҳо ва худкушии ҷабрдидагон оварда мерасонад. Дар ин ҷода дар шаҳри Хуҷанд дар асоси барномаи пешгирии зўроварӣ дар оила озмуни шаҳрӣ барои беҳтарин маводи журналистӣ баргузор гардид, ки имрўз ғолибон бо тўҳфаҳо қадрдонӣ карда мешаванд. Ҳамчунин дар “Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занон ва духтарони лаёқатманд дар Ҷумҳурии Тоҷикистон барои солҳои 2017-2022” Барномаи давлатии «Тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони лаёқатманд барои солҳои 2017-2022» санадест, ки ҳадафи аслии он мусоидат баҳри баланд бардоштани фаъолнокии занон ва зиёд намудани теъдоди онҳо дар сатҳи қабули қарор мебошад. Дар шаҳр курси 3 моҳаи “Мактаби сарварӣ” аз моҳи ноябри соли 2018 то моҳи декабр соли 2019 дар назди шўъбаи кор бо занон ва оила аз ҳисоби донишҷўдухтарони фаъол гузаронида шуд, ки имрўз барои фаъолнокии донишҷўдухтарон курси номбурда ба итмом расида аз ҷониби Раиси шаҳр ба шунавандагони курси мазкур “Гувоҳнома” супорида мешавад.
Дар оянда донишҷўёни фаъол метавонанд барои пешбурди ҷомеа қадамҳои устувор гузоранд. Итминони комил дорем, ки сафи занони роҳбар дар ҷомеа минбаъд низ назаррас гардида, баҳри рушду пешрафти ҷомеаи ҳуқуқбунёд дунявӣ саҳми босазои худро мегузаронанд.
Сипас дар вазъияти тантанавӣ ба шунавандагони курси 3 моҳаи “Мактаби сарварӣ” Гувоҳнома ва ба ғолибони беҳтарин маводи журналистӣ таҳти унвони «16- рўзи мубориза алайҳи хушунат» тақдим крада шуд.
Ҳамин тавр, аз рӯйи номиннатсияи “Беҳтарин гузориш ва ё барномаи телевизионӣ” ғолибияти ҷойи аввал насиби Муҳаббат Муродова ва ҷойҳои дуюму сеюмро Мастонаи Муҳидиллозода ва Фарзона Ҳодибоева соҳиб гардиданд. Дар бахши матбуот Дилдора Зокирова, Матлуба Ёрмирзоева ва Қамари Аҳрор мутаносибан ҷойҳои ифтихориро соҳиб шуданд.
Зокирҷон Холов, Афзал Босолиев ва Ӯғулой Раҷабова дар бахши ролики иҷтимоӣ сазовори баҳои баланди доварон гардиданд.
Сипас, Муяссара Мавлонова, муовини сардори раёсати кор бо занон ва оилаи вилояти Суғд, Саодат Аминҷонова, узви Маҷлиси миллии Маҷлиси Олии Ҷумҳурии Тоҷикистон, Муҳаббат Муродова, журналист, Шаҳноза Қурбонзода варзишгар-донишҷӯ, Малика Мирзобаҳодурова, намояндаи ташкилоти ҷамъияти “Ассотсиатсияи миллии зиёиёни илмӣ-техникии Тоҷикистон” барои ташкили чунин нишаст ва чорабиниҳо изҳори миннатдорӣ намуданд.
Дафтари матбуоти
Раиси шаҳри Хуҷанд
