20 Май 2019
Дар асоси фармоиши раиси кумитаи ҳифзи муҳити зисти назди Ҳукумати Ҷумҳурии Тоҷикистон бахшида 5 июн- Рӯзи умумиҷаҳонии ҳифзи муҳити зист дар самти гузаронидани аксияҳои тозагии маҳал ва тозагии соҳил бо иқдоми шуъбаи ҳифзи муҳити зисти шаҳри Хуҷанд чорабинӣ дар шоҳроҳи Хуҷанд-Чаноқ бо иштироки донишҷӯёни ДДХ ба номи академик Б. Ғафуров ихтисоси экологони ҷавон гузаронида шуд.
Муҳитдӯстон ду канори шоҳроҳи Хуҷанд–Чаноқ қисмати даромадгоҳи шарқии шаҳри Хуҷандро аз ҳаргуна партов ва пасмондаҳои он тозаву озода намуда, партовҳоро тариқи идораҳои марбутаи шаҳр ба партовгоҳи асосии шаҳри Хуҷанд дастрас намуданд.
Таъкид шуд, ки маърифати экологии аҳолӣ, ки ҳамчун асоси ҳадафи зиндагии тозаю озодаи шаҳрвандон гардад.
Ҷоиз ба зикр аст, ки шуъбаи ҳифзи муҳити зисти шаҳри Хуҷанд ҳамчун мақоми ваколатдор оид ба баланд бардоштани маърифати экологии аҳолӣ тамоми имкону захираҳои таълимию тарбиявиро васеъ истифода мекунад, то ҳар як шаҳрванди ҷумҳурӣ барои ҳифзи табиат ва покизагии муҳити зист масъулияти баланд эҳсос намояд.
Чорабинии мазкур баҳри амалан татбиқ намудани Қонуни Ҷумҳурии Тоҷикистон «Дар бораи маърифати экологии аҳолӣ» ва таъмини Нақшаи чорабиниҳои Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020 дар ҳамкорӣ бо дигар сохторҳои давлативу ҷамъиятӣ то имрӯз корҳои муайян амалӣ гашта истодаанд.
Дафтари матбуоти
Раиси шаҳри Хуҷанд
