Хуҷанд. 1 июл.  Раёсати Агентии давлатии ҳифзи иҷтимоӣ, шуғли аҳолӣ ва муҳоҷирати шаҳри Хуҷанд  бо мақсади фарогирии захираҳои озоди меҳнат ба кори фоиданоки ҷамъиятӣ имрӯз ҷойҳои холии кориро дар ташкилоту муассисаҳо ва корхонаҳои қаламрави шаҳр барои моҳи июл пешниҳод намуд.

Тибқи иттилои сардори Раёсати Агентии давлатии ҳифзи иҷтимоӣ, шуғли аҳолӣ ва муҳоҷирати шаҳри Хуҷанд Мӯҳсинҷон Миркамолов ҳамагӣ 40 ташкилоту муасисса ва корхонаҳои шаҳр дархости қабули коргарон намуданд.

Дар моҳи июл ҷамъулҷамъ 298 ҷойҳои холии кор, аз ҷумла дар соҳаи маориф 24 ҷой, тандурустӣ 171 ҷой, фарҳанг 5 ҷой, саноат 25 ҷой, сохтмон 2 ҷой, хоҷагии манзилию коммуналӣ 29 чой, дигар соҳаҳо 42 ҷойи холии кор мавҷуданд ва ин ҷойҳо ниёзманди ҷалби коргарони касбу кори мухталиф мебошанд.

Иттилои бештари мушаххасро Шумо метавонед аз бахши «Ҷойҳои холии кор»-и Сомонаи расмии мақомоти иҷроияи ҳокимияти давлатии шаҳри Хуҷанд дар шабакаи ҷаҳонии Интернет пайдо намоед.