09 Июл 2016
Мавриди зикр аст, ки чор хобгоҳи истироҳатгоҳ аз таъмири ҷорӣ бароварда шуда, ҷойи хоби истироҳаткунандагон бо рӯйпушҳои тозаву озода пӯшонида, деворҳои он бо ҳамагуна овезаҳову гуфторҳо, расмҳои кашидаву гулҳои сохташуда ороиш дода шуданд. Ҳамаи хобгоҳҳо барои қабули кӯдакону наврасон ҳамаҷониба омода карда шудаанд. Барои дар сатҳи баланд омода намудани истироҳатгоҳ, таъмин бо маводи ғизоӣ ва фароғати хонандагон аз тарафи мақомоти иҷроияи ҳокимияти давлати шаҳри Хуҷанд 60 ҳазор сомонӣ ҷудо гардид. Ин имкон дод, ки истироҳатгоҳи беруназшаҳрии «Парвоз» саривақт ҳамаҷониба барои қабули хонандагон омода гардад ва ҳамаи шароит барои дар сатҳи баланд ташкил ва гузаронидани он муҳайё карда шавад.
Лозим ба таъкид аст, ки дар басти дуюми истироҳатгоҳи беруназшаҳрии «Парвоз» 185 нафар толибилмони боистеъдоди муассисаҳои таълимии шаҳр ба истироҳат ҷалб карда шудаанд.
Нуъмон Раҷабзода